មូលនិធិនវានុវត្តន៍ UNCDF/UNESCAP Women MSME FinTech ឆ្នាំ២០១៩

មូលនិធិនវានុវត្តន៍នេះស្វែងរកការសហការផ្តល់មូលនិធិដល់ក្រុមហ៊ុននានាដើម្បីសាកល្បងដំណោះស្រាយឌីជីថល និងហិរញ្ញវត្ថុប្រកបដោយនវានុវត្តន៍ ដែលធ្វើឱ្យប្រសើរឡើងនូវលទ្ធភាពទទួលបានហិរញ្ញវត្ថុ និង/ឬបង្កើនប្រសិទ្ធភាពប្រតិបត្តិការរបស់សហគ្រាសមីក្រូ ធុនតូច និងមធ្យម (MSMEs) ដែលដឹកនាំដោយស្ត្រី។

គោលដៅគឺដើម្បីសហការផ្តល់មូលនិធិ និងផ្តល់ការគាំទ្រផ្នែកបច្ចេកទេសសម្រាប់ក្រុមហ៊ុននានាក្នុងការសាកល្បងដំណោះស្រាយឌីជីថលប្រកបដោយនវានុវត្តន៍ និង/ឬដំណោះស្រាយហិរញ្ញវត្ថុឌីជីថល ដែលគាំទ្រដល់សហគ្រាសមីក្រូ ធុនតូច និងមធ្យមដែលមានស្ត្រីជាម្ចាស់ ជាអ្នកគ្រប់គ្រង និង/ឬជាអ្នកដឹកនាំ។ អ្នកដាក់ពាក្យដែលមានសិទ្ធិចូលរួមត្រូវបានស្វាគមន៍ឱ្យដាក់សំណើដែលឆ្លើយតបទៅនឹងគោលដៅនេះ។

មូលនិធិនវានុវត្តន៍គឺផ្តោតទៅលើដំណោះស្រាយដែលត្រៀមរួចជាស្រេចសម្រាប់ការធ្វើតេស្តសាកល្បង ហើយនឹងផ្តល់នូវសហមូលនិធិក្នុងទឹកប្រាក់ពី $២៥ ០០០ ដល់ $៥០ ០០០ ដុល្លារអាមេរិកសម្រាប់គម្រោងដែលបានជ្រើសរើស។

អត្ថប្រយោជន៍

ពាក្យស្នើសុំដែលជោគជ័យនឹងទទួលបាន៖

• ទឹកប្រាក់រហូតដល់ $៥០ ០០០ នៃសហមូលនិធិ

• ជំនួយ​ផ្នែក​បច្ចេកទេស

• ការបង្ហាត់បង្ហាញណែនាំ

• ការភ្ជាប់ទំនាក់ទំនងជាមួយវិនិយោគិន

សិទ្ធិអាចចូលរួមបាន

អ្នកដាក់ពាក្យដែលមានសិទ្ធិអាចដាក់ពាក្យសុំមូលនិធិនវានុវត្តន៍បាន រួមមាន (ប៉ុន្តែមិនដាក់កម្រិតតែចំពោះភាគីតទៅនេះទេ)៖ ស្ថាប័នហិរញ្ញវត្ថុដែលមានការត្រួតពិនិត្យ (ធនាគារ, MFls, ក្រុមហ៊ុនធានារ៉ាប់រង) អ្នកផ្តល់សេវាទូទាត់ អ្នកផ្តល់សេវាធនាគារតាមរយៈភ្នាក់ងារ ប្រតិបត្តិករបណ្តាញទូរសព្ទចល័ត អ្នកផ្តល់បច្ចេកវិទ្យា FMCG/ក្រុមហ៊ុនកសិកម្ម ក្រុមហ៊ុន FinTech និងអង្គការមិនមែនរដ្ឋាភិបាល។

ក្រុមហ៊ុនដែលមានដំណោះស្រាយប្រកបដោយនវានុវត្តន៍ដែលនឹងនាំទៅរកការបង្កើនលទ្ធភាពទទួលបានហិរញ្ញវត្ថុសម្រាប់សហគ្រាសមីក្រូ ធុនតូច និងមធ្យម (MSMEs) ជាពិសេស MSMEs ដែលមានស្ត្រីជាម្ចាស់ ជាអ្នកគ្រប់គ្រង ឬជាអ្នកដឹកនាំ ហើយដែលត្រៀមរួចជាស្រេចសម្រាប់ការធ្វើតេស្តសាកល្បងនៅក្នុងប្រទេសគោលដៅមួយ ឬច្រើន។

អ្នកដាក់ពាក្យអាចស្ថិតនៅទីណាក៏បាននៅទូទាំងពិភពលោក ប៉ុន្តែគម្រោងនេះត្រូវតែកំណត់គោលដៅជា MSMEs ដែលមានស្ត្រីជាម្ចាស់ ជាអ្នកគ្រប់គ្រង ឬជាអ្នកដឹកនាំនៅក្នុងប្រទេសគោលដៅមួយ ឬច្រើន។

សំណើរួមគ្នារវាងតួអង្គក្នុងទីផ្សារនៅក្នុងប្រទេសគោលដៅនានា (ឧទាហរណ៍ អ្នកផ្តល់សេវាហិរញ្ញវត្ថុ ក្រុមហ៊ុន FinTech និងអ្នកផ្តល់សេវាទូរគមនាគមន៍) ដែលពង្រីកបណ្តាញចែកចាយ និងលើកកម្ពស់លទ្ធភាពទទួលបានហិរញ្ញវត្ថុសម្រាប់ MSME នៅជនបទ/ក្នុងដំណាក់កាលចុងក្រោយ ត្រូវបានលើកទឹកចិត្តឱ្យដាក់ពាក្យ។

ប្រសិនបើដំណោះស្រាយ/ផលិតផលឌីជីថលគឺជាដំណោះស្រាយ/ផលិតផលហិរញ្ញវត្ថុដែលទាមទារឱ្យមានការសាកល្បងជាមួយស្ថាប័នហិរញ្ញវត្ថុដែលមានការត្រួតពិនិត្យ ហើយទាមទារឱ្យមានការឯកភាពផ្នែកបទប្បញ្ញត្តិមុននឹងធ្វើការសាកល្បង អ្នកដាក់ពាក្យសុំត្រូវតែចាប់ដៃគូជាមួយអ្នកផ្តល់សេវាហិរញ្ញវត្ថុដែលមានការត្រួតពិនិត្យនៅក្នុងប្រទេសគោលដៅសម្រាប់ការផ្តល់ដំណោះស្រាយប្រកបដោយនវានុវត្តន៍។

អ្នកដាក់ពាក្យ ឬដៃគូផ្តល់សេវាហិរញ្ញវត្ថុរបស់ពួកគេត្រូវតែជាអង្គភាពដែលបានចុះបញ្ជីដែលមានប្រតិបត្តិការ និងគណនីស្របច្បាប់យ៉ាងហោចណាស់មួយឆ្នាំ។

អ្នកដាក់ពាក្យត្រូវតែមានដំណោះស្រាយដែលត្រៀមរួចជាស្រេចដើម្បីឆ្លងកាត់ការធ្វើតេស្តសាកល្បងសម្រាប់រយៈពេលពី ៩ ទៅ ១២ ខែ។

អ្នកដាក់ពាក្យអាចស្ថិតនៅទីណាក៏បាននៅទូទាំងពិភពលោក ប៉ុន្តែគម្រោងនេះត្រូវតែកំណត់គោលដៅជា MSMEs ដែលមានស្ត្រីជាម្ចាស់ ជាអ្នកគ្រប់គ្រង ឬជាអ្នកដឹកនាំនៅក្នុងប្រទេសគោលដៅមួយ ឬច្រើន។ ប្រទេសគោលដៅទាំងនោះរួមមាន បង់ក្លាដែស កម្ពុជា ហ្វីជី មីយ៉ាន់ម៉ា នេប៉ាល់ សាម័រ និងវៀតណាម។