ហេតុអ្វីខ្ញុំគួរធ្វើតេស្ត?

នៅជុំវិញពិភពលោក មនុស្សចំនួន ៣៧ លាននាក់កំពុងរស់នៅជាមួយមេរោគអេដស៍ ដែលនេះជាចំនួនខ្ពស់បំផុតមិនធ្លាប់មាន ប៉ុន្តែមួយភាគបួននៃពួកគេមិនដឹងថាពួកគេមានផ្ទុកមេរោគនោះទេ។

ការដឹងពីស្ថានភាពមេរោគអេដស៍របស់អ្នកមានអត្ថប្រយោជន៍ជាច្រើន។ វា​ជា​ចំណុច​សំខាន់​មួយ​សម្រាប់​ការ​ព្យាបាល​មេរោគ​អេដស៍ ការការពារ ការថែទាំ និង​សេវា​គាំទ្រផ្សេងៗ។ អ្នកដែលធ្វើតេស្តវិជ្ជមានមេរោគអេដស៍ គួរតែទទួលបានភ្លាមៗនូវការព្យាបាលដោយថ្នាំពន្យារជីវិត ដើម្បីឱ្យពួកគេអាចបន្តជីវិតរស់នៅជាធម្មតា និងមានសុខភាពល្អ ហើយនៅពេលដែលឈានដល់ការទប់ស្កាត់ការផ្ទុកមេរោគ ត្រូវមានវិធានការការពារការចម្លងរោគ។

ការដឹងពីស្ថានភាពមេរោគអេដស៍របស់អ្នកក៏អាចឱ្យមនុស្សទាំងឡាយធ្វើការសម្រេចចិត្តប្រកបដោយការយល់ដឹងផងដែរអំពីជម្រើសនៃការការពារមេរោគអេដស៍ រួមទាំងសេវាការពារកុមារពីការឆ្លងមេរោគអេដស៍ ការប្រើប្រាស់ស្រោមអនាម័យបុរស និងស្ត្រី សេវាកាត់បន្ថយគ្រោះថ្នាក់សម្រាប់អ្នកចាក់ថ្នាំ ការកាត់ស្បែកចុងលិង្គបុរសតាមវេជ្ជសាស្រ្ដដោយស្ម័គ្រចិត្ត និងវិធីលេបថ្នាំបង្ការជាមុន​នៅពេលប្រព្រឹត្តប្រឈមនឹងការឆ្លងមេរោគអេដស៍ (PreP)។