UNIDO: ការបញ្ជ្រាបយេនឌ័រត្រួសត្រាយផ្លូវដើម្បីបរិវត្តកម្មដ៏មហស្ចារ្យ

សិក្ខាសាលាមានគោលបំណងបង្កើនសមត្ថភាពតំណាងប្រចាំប្រទេសរបស់អង្គការ UNIDO និងក្រុមការងារគ្រប់ គ្រង​គម្រោង​មកពី តំបន់អាស៊ី និងប៉ាស៊ីភិច ដើម្បីសម្រេចលទ្ធផលផ្នែកសមភាពយេនឌ័រ និងផ្តល់ភាពអង់អាច ដល់ស្រ្តីបានកាន់តែប្រសើរ។​

ការប្តេជ្ញាចិត្តរបស់អង្គការ UNIDO ក្នុងការជំរុញកំណើនឧស្សាហកម្មប្រកបដោយចីរភាពនិងបរិយាប័ន្ន​ (ISID) ត្រូវ បានគូសបញ្ជាក់នៅក្នុងការផ្តោតចិត្តទុកដាក់របស់ខ្លួនលើសមភាពយេនឌ័រ និងភាពអង់អាចរបស់ស្រ្តី ដែលជាគោល ការណ៍គ្រឹះរបស់ខ្លួន។ តាមរយៈភាពជាដៃគូជាមួយអង្គភាពរដ្ឋ និងឯកជន UNIDO ទទួលស្គាល់ និងឱ្យតម្លៃខ្ពស់លើ តួនាទីរបស់ស្រ្តីក្នុងការរួមចំណែកកាត់បន្ថយភាពក្រីក្រ ស្វះស្វែងឱ្យមានមតិគាំទ្រសម្រាប់វិនិយោគិន និងសហគ្រិន ជាស្រ្តី និងការគិតគូរពីអ្នកតាក់តែងគោលនយោបាយអំពីភាពប្រទាក់ក្រឡារវាងសមភាពយេនឌ័រ និងនិរន្តភាពនៃ ឧស្សាហកម្ម។
បន្ថែមលើនេះ អង្គការ​ UNIDO​ យល់ដឹងច្បាស់អំពីការរំពឹងទុកខ្ពស់របស់ម្ចាស់ជំនួយដូចជា មូលនិធិបរិស្ថានសាកល 

(GEF) និងសហភាពអឺរ៉ុប (EU) លើគំនិតផ្តួចផ្តើមនានាដែលចាំបាច់ត្រូវតែគិតគូរអំពីយេនឌ័រ។ សិក្ខាសាលានេះ សហការរៀបចំដោយអង្គការ UNIDO GEF និង UN Women ផ្អែកលើបទពិសោធន៍ជាក់ស្តែងរបស់កម្មវិធីដ៏ ទូលំទូលាយមួយដែលបានអនុវត្តសាកល្បងនៅស្នាក់ការកណ្តាលរបស់អង្គការ​ UNIDO នៅទីក្រុងវីយ៉ែន។ កម្មវិធីត្រូវបានរៀបចំជាពិសេសសម្រាប់ថ្នាក់ដឹកនាំអង្គការ ​UNIDO និងក្រុមការងារគ្រប់គ្រងគម្រោង ក្នុងគោលដៅផ្តល់នូវឧបករណ៍ និងចំណេះដឹងចុងក្រោយបង្អស់ក្នុងការរៀបចំតាក់តែង និងបង្កើតគម្រោងផ្អែកលើ បរិវត្តកម្មយេនឌ័រ ជួយយ៉ាងណាឱ្យទទួលបានលទ្ធផលល្អបំផុត។

ដោយប្រើប្រាស់ជំនាញសម្បូរបែប និងធនធានរបស់ខ្លួន អង្គការ UNIDO បានដឹកនាំគំនិតផ្តួចផ្តើមជាច្រើនគាំទ្រ ទៅដល់សហគ្រិនស្រ្តីនៅក្នុងផ្នែកឧស្សាហកម្ម តាមរយៈការបណ្តុះបណ្តាលលើមុខរបរ ទីផ្សារ និងកសាងបណ្តាញ ធុរកិច្ចស្រ្តីដ៏រឹងម៉ាំ។ លោកស្រី សែស៊ីលៀ អ៊ូហ្គា អេស្រ្តាដា ប្រធាននាយកដ្ឋានសមភាពយេនឌ័រ និងផ្តល់ភាពអង់អាចដល់ស្រ្តី របស់អង្គការ UNIDO បា​នសង្កត់ធ្ងន់ថា «ការដោះស្រាយវិសមភាពយេនឌ័រនៅក្នុង ផ្នែកឧស្សាហកម្ម គឺជាកិច្ចការចំពោះមុខដែលត្រូវចាត់វិធានការភ្លាមៗ ដើម្បីផ្តល់លទ្ធភាពឱ្យស្រ្តីបញ្ចេញសមត្ថភាព ឱ្យអស់សក្តានុពលក្នុងនាមជា ថ្នាក់ដឹកនាំនិងភ្នាក់ងារជំរុញឱ្យមានការផ្លាស់ប្តូរនិងនវានុវត្តន៍ផ្នែកសេដ្ឋកិច្ច។»

សូមបញ្ជាក់ផងដែរ ក្នុងសិក្ខាសាលានេះគម្រោងដ៏ធំមួយរបស់អង្គការ ​UNIDO ពោលគឺគម្រោងអភិវឌ្ឍន៍ជលផល ក្រោយប្រមូលផល​ CAPFISH-Capture ត្រូវបានជ្រើសរើសធ្វើជាគម្រោងសម្រាប់ចែករំលែកបទពិសោធន៍ជោគជ័យក្នុងការលើកកម្ពស់សមភាពយេនឌ័រជូនដល់សិក្ខាកាមទាំងអស់គ្នាផងដែរ។ ផ្អែកលើ ជំនាញឯកទេសក្នុងការអភិវឌ្ឍសេដ្ឋកិច្ច គម្រោងដែលទទួលបានការគាំទ្រថវិកាពី សហភាពអឺរ៉ុប (EU) នេះ បានជួយគាំទ្រដល់សហគ្រាសជលផលដែលមានស្ត្រីជាម្ចាស់លើច្រើនទិដ្ឋភាព ទាំងការអភិវឌ្ឍជំនាញ អនុលោម ភាពផ្នែកសុវត្ថិភាពម្ហូបអាហារ ការពង្រីកទីផ្សារក្នុងស្រុក និងបោះជំហានចូលទីផ្សារអន្តរជាតិ។ 

សម្រាប់ព័ត៌បន្ថែម សូមទំនាក់ទំនង៖

1. លោកស្រី Thuy Thu LE, Rational Gender Officer, UNIDO, Vienna៖ T.LE@unido.org
2. លោក អឹម​ សំរួល៖ អ្នកជំនាញការផ្នែកទំនាក់ទំនង និងផ្សព្វផ្សាយនៃគម្រោង CAPFISH-Capture៖ S.IM@unido.org