ស្វែងរក

ភ្នំពេញ ថ្ងៃទី១២ ឧសភា ឆ្នាំ២០២៣ – រាជរដ្ឋាភិបាលកម្ពុជាតាមរយៈក្រសួងបរិស្ថានបានដាក់ឱ្យដំណើរការ​ជាផ្លូវការគម្រោងភាពជាដៃគូសម្រាប់សកម្មភាពសេដ្ឋកិច្ចបៃតង (PAGE) នៅកម្ពុជា ដើម្បីពង្រឹងការប្តេជ្ញា ចិត្តរបស់ខ្លួនក្នុងការរក្សាកំណើនសេដ្ឋកិច្ចរបស់ប្រទេសដោយដើរលើគន្លងប្រកបដោយចីរភាព និងបរិយាប័ន្ន។

PAGE ​គឺជាកម្មវិធីរួមគ្នារបស់ទីភ្នាក់ងារចំនួន ០៥ របស់អង្គការសហប្រជាជាតិ(UN) ដែលត្រូវបានទទួលស្គាល់​កាន់តែ​ខ្លាំង​​​ថា ​ជា​គំរូសម្រាប់ផ្តល់​ការគាំ​ទ្រ​ដែល​មាន​ការ​សម្របសម្រួលច្បាស់លាស់ពី​​អង្គការសហប្រជាជាតិ​ដល់​ប្រទេស​នានា ដើម្បីសម្រេចឱ្យបាននូវគោលដៅអភិវឌ្ឍន៍ប្រកបដោយចីរភាព (SDGs) និងគោលដៅនៃ​កិច្ច​ព្រម​ព្រៀង​ទីក្រុងប៉ារីស។ ចំណុចពិសេសរបស់ PAGE គឺផ្តោតលើផ្នែកសំខាន់ នៃគោលនយោបាយសេដ្ឋកិច្ច ដែល​មាន​សក្តានុពលដើម្បីផ្លាស់ប្តូរសេដ្ឋកិច្ចទាំងមូលឱ្យទៅតាមគន្លងមួយប្រកបដោយចីរភាពជាងមុន។