ស្វែងរក

រាជធានីភ្នំពេញ, ប្រទេសកម្ពុជា​ – អង្គការសហប្រជាជាតិប្រចាំកម្ពុជាពិព័រណ៍អនាគតយុវជន ក្រោមប្រធានបទ “សកម្មភាពអ្នក - អនាគតអ្នក” ត្រូវបានប្រារព្ធធ្វើឡើងនៅថ្ងៃទី ២១ ខែតុលា ឆ្នាំ២០២៣​ នៅ មជ្ឈមណ្ឌលសហប្រតិបត្តិការកម្ពុជា-ជប៉ុន - សកលវិទ្យាល័យភូមិន្ទភ្នំពេញ (CJCC-RUPP)។ ពិព័រណ៍នេះ បានផ្ដល់ឱកាសឱ្យយុវជនរាប់ពាន់នាក់មកពីមជ្ឈដ្ឋានចម្រុះបានជួបជុំគ្នា ដើម្បីពួកគេបានទទួលសិទ្ធិអំណាច និងចូលរួមក្នុងការរៀបចំអនាគតមួយប្រកបដោយចីរភាព។

ភ្នំពេញ៖ ក្នុងសប្តាហ៍នេះ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ យុវជន និងកីឡា នឹងតំណាងអោយរាជរដ្ឋាភិបាលកម្ពុជា ក្នុងការចូលរួមកិច្ចប្រជុំកំពូលរបស់សម្ព័ន្ធរដ្ឋផ្តល់អាហារតាមសាលារៀន ដែលរៀបចំឡើងដោយលោកប្រធានាធិបតី ម៉ាក្រូន នាទីក្រុងប៉ារីស។

ភ្នំពេញ៖ មន្ត្រីជាន់ខ្ពស់នៃរាជរដ្ឋាភិបាលកម្ពុជាអាណត្តិទី៧ និង​បុគ្គលិកនៃ​កម្មវិធីស្បៀងអាហារពិភពលោក​របស់អង្គការសហប្រជាជាតិ (WFP) កំពុងបំពេញទស្សនកិច្ចសិក្សានៅសាធារណរដ្ឋកូរ៉េ (កូរ៉េខាងត្បូង) ក្នុងគោលបំណង​ពង្រឹងកម្ម​វិធី​ផ្ដល់​ស្បៀង​អាហារ​តាមសាលារៀន​នៅ​​កម្ពុជា។ បេសកកម្ម​បំពេញ​ទស្សនកិច្ច​នេះ​ត្រូវ​បាន​គាំទ្រដោយទីភ្នាក់ងារសហប្រតិបត្តិការអន្តរជាតិ​កូរ៉េ (KOICA) ហើយតាមរយៈ​បេសកកម្មនេះ គណ:ប្រតិភូទាំងមូលនឹង​​បានសិក្សា​ស្វែង​​យល់​ដោយផ្ទាល់អំពី​គំរូជោគជ័យរបស់កម្មវិធីអាហារតាមសាលារបស់ប្រទេស​កូរ៉េ។

រាជធានីភ្នំពេញថ្ងៃទី១៦ ខែសីហា​ ឆ្នាំ២០២៣៖ ភាគីពាក់ព័ន្ធចំនួនជិត៣០០នាក់ ដែលធ្វើការក្នុងវិស័យ​កសិកម្ម ស្បៀងអាហារ និងអាហារូបត្ថម្ភបានជួបជុំគ្នានៅថ្ងៃទី១៦ ខែសីហា ឆ្នាំ២០២៣ នៅទីក្រុងភ្នំពេញ ដើម្បីប្រារព្ធទិវាសុវត្ថិភាពម្ហូបអាហារពិភពលោកនៅកម្ពុជា ក្នុងគោលបំណងលើកកម្ពស់ការយកចិត្តទុកដាក់ និងជំរុញសកម្មភាពនានា ដើម្បីធានាបាននូវសុវត្ថិភាពម្ហូបអាហារនៅកម្ពុជា។

រាជធានីភ្នំពេញ ថ្ងៃទី០៣ ខែសីហា ឆ្នាំ២០២៣៖ តាមរយៈភាពជាដៃគូជាមួយ​ សហភាពអឺរ៉ុប (EU) និងអង្គការ UNIDO រដ្ឋបាលជលផល បានប្រកាសជាផ្លូវការអំពីការប្រគល់វិញ្ញាបនបត្រនិមិត្តសញ្ញាគុណភាពផល​​ ផលិតផលជលផលកម្ពុជា (CQS) ជូនដល់សហគ្រាសកែច្នៃផល ផលិតផលជលផល។ សហគ្រាសជ័យលាភីនាឱកាសនេះ បានបំពេញតាមលក្ខខណ្ឌតម្រូវរបស់និមិត្តសញ្ញាគុណភាព​ CQS ដែលជាគំនិតផ្តួចផ្តើមមួយរបស់គម្រោងអភិវឌ្ឍន៍ជលផលក្រោយប្រមូលផល (CAPFISH-Capture)។​