ស្វែងរក

រាជធានីភ្នំពេញ ថ្ងៃទី ២៤ ខែវិច្ឆិកា ឆ្នាំ ២០២១ – ឯកឧត្តម វង សូត្រ រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនិតិសម្បទា និងលោកស្រី Pauline Tamesis ប្រធានអង្គការសហប្រជាជាតិប្រចាំប្រទេសកម្ពុជា បានផ្តោះប្តូរសារលិខិត ដើម្បីពង្រីកភាពជាដៃគូជាយុទ្ធសាស្ត្រ និងកិច្ចសហការតាមប្រធានបទ សម្រាប់កម្មវិធី កម្មវិធីកសាងថ្នាលបច្ចកវិទ្យាសម្រាប់ជួយសម្រួលដល់កិច្ចសហការអន្តវិស័យ ដើម្បីការអភិវឌ្ឍដោយចី រភាព Cambodia Futures Lab។

កំពង់ឆ្នាំង៖ ថ្ងៃនេះ ឯកឧត្តម​រដ្ឋមន្ត្រីក្រសួងអប់រំ យុវជន និងកីឡា ​នាយកប្រចាំ​ប្រទេស​នៃទីភ្នាក់ងារ​សហប្រតិបត្តិការ​អន្តរជាតិកូរ៉េ (KOICA) និង​នាយកប្រចាំ​ប្រទេសនៃកម្មវិធីស្បៀងអាហារពិភពលោក (WFP) ​​បានអញ្ជើញ​ទៅ​ទស្សនកិច្ចនៅ​តាម​សាលារៀន​ក្នុងខេត្តកំពង់ឆ្នាំង ដើម្បីសម្ពោធដាក់ឱ្យប្រើប្រាស់ជាផ្លូវការនូវ​ផ្ទះបាយ​សាលា​ កន្លែងទទួល​ទានអាហារ និងសម្ភារ​បរិក្ខារផ្សេងៗទៀត ដែល​ផ្តល់មូលនិធិដោយ KOICA ក៏ដូចជា​​ប្រារព្ធការ​ចាប់ផ្តើម​ឡើងវិញ​ទាំងស្រុងនូវ​កម្មវិធី​ផ្ដល់​ស្បៀង​អាហារ​តាម​សាលារៀន ​នៅទូទាំងប្រទេសសម្រាប់​ឆ្នាំសិក្សាថ្មី។ នៅ​ក្នុង​​ដំណើរទស្សនៈកិច្ច​នេះ គណៈប្រតិភូ​​​បានអញ្ចើញ​ទៅ​កាន់​សាលាបឋមសិក្សាស្មែត និងសាលាបឋមសិក្សាអង្គសិរី ​និង​ត្រូវ​បាន​ទទួល​ស្វាគមន៍​ពី​​ថ្នាក់ដឹកនាំ​អាជ្ញាធរ​មូលដ្ឋាន​ក៏ដូចជា​ឯកឧត្ដមអភិបាល​ខេត្ត​កំពង់ឆ្នាំង​ផងដែរ។

រាជធានីភ្នំពេញ ថ្ងៃទី ២២ ខែកុម្ភៈ ឆ្នាំ ២០២២៖ ការកសាងប្រព័ន្ធអភិវឌ្ឍន៍ជំនាញ និងការរៀនសូត្រពេញមួយជីវិតប្រកបដោយប្រសិទ្ធភាព ទាមទារឱ្យមានការដាក់ចេញ ចក្ខុវិស័យរយៈពេលវែង និងផែនការសកម្មភាពឱ្យបានច្បាស់លាស់ ដោយត្រូវពិចារណាពីតម្រូវការ និងអាទិភាពរបស់កម្ពុជា។

ទីក្រុងញូវយ៉ក ថ្ងៃទី 28 ខែមេសា ឆ្នាំ 2022 - ថ្ងៃនេះមូលនិធិសម្រាប់ស្ត្រីកងកម្លាំង​​ក្នុងប្រតិបត្តិការ​រក្សាសន្តិភាព​ប្រកាសថា កម្ពុជានឹងទទួលបានមូលនិធិគាំទ្រសម្រាប់អនុវត្តការសិក្សាស្រាវជ្រាវមួយ ក្នុងគោលបំណងកំណត់កត្តាប្រឈម ឬកត្តារារាំងទាំងឡាយ សម្រាប់ការបញ្ជូនស្រ្តីនៅក្នុងកងយោធពលខេមរភូមិន្ទចូលរួមនៅក្នុងប្រតិបត្តិការ​រក្សាសន្តិភាពរបស់អង្គការសហប្រជាជាតិ។ ប្រទេសកម្ពុជា គឺស្ថិតនៅក្នុងលំដាប់ទី២៥ ដែលបានបញ្ជូនកងកម្លាំងចូលរួមច្រើនជាងគេបង្អស់នៅក្នុងការរក្សាសន្តិភាពរបស់អង្គការសហប្រជាជាតិ ហើយនាពេលបច្ចុប្បន្នកម្ពុជា​ មានកងកម្លាំងចំនួន​៧៦៦​រូប ដែលក្នុងនោះមាន១៤​ភាគរយ​​​ ជាស្រ្តីស្ថិតនៅក្នុង​​កិច្ចប្រតិបត្តិការ។​