ស្វែងរក

ទីក្រុងញូវយ៉ក ថ្ងៃទី 28 ខែមេសា ឆ្នាំ 2022 - ថ្ងៃនេះមូលនិធិសម្រាប់ស្ត្រីកងកម្លាំង​​ក្នុងប្រតិបត្តិការ​រក្សាសន្តិភាព​ប្រកាសថា កម្ពុជានឹងទទួលបានមូលនិធិគាំទ្រសម្រាប់អនុវត្តការសិក្សាស្រាវជ្រាវមួយ ក្នុងគោលបំណងកំណត់កត្តាប្រឈម ឬកត្តារារាំងទាំងឡាយ សម្រាប់ការបញ្ជូនស្រ្តីនៅក្នុងកងយោធពលខេមរភូមិន្ទចូលរួមនៅក្នុងប្រតិបត្តិការ​រក្សាសន្តិភាពរបស់អង្គការសហប្រជាជាតិ។ ប្រទេសកម្ពុជា គឺស្ថិតនៅក្នុងលំដាប់ទី២៥ ដែលបានបញ្ជូនកងកម្លាំងចូលរួមច្រើនជាងគេបង្អស់នៅក្នុងការរក្សាសន្តិភាពរបស់អង្គការសហប្រជាជាតិ ហើយនាពេលបច្ចុប្បន្នកម្ពុជា​ មានកងកម្លាំងចំនួន​៧៦៦​រូប ដែលក្នុងនោះមាន១៤​ភាគរយ​​​ ជាស្រ្តីស្ថិតនៅក្នុង​​កិច្ចប្រតិបត្តិការ។​

ភ្នំពេញ ថ្ងៃទី​២៣-២៤ ខែឧសភា ឆ្នាំ២០២២៖ កម្មវិធី​ស្បៀងអាហារ​ពិភពលោក​នៃ​​អង្គការសហ​ប្រជាជាតិ (WFP) សហការ​ជាមួយក្រុមហ៊ុន​ហ្គ្រីន​ត្រេដ និង​សហព័ន្ធ​ស្រូវ​អង្ករ​កម្ពុជា រៀបចំ​វគ្គបណ្តុះបណ្តាល​បច្ចេកទេស​រយៈ​ពេល២​ថ្ងៃ ​ស្តីអំពី​ការបញ្ចូល​មីក្រូសារជាតិ​ក្នុង​អង្ករ ដើម្បីគាំទ្រ​ដល់​ការអភិវឌ្ឍន៍​សមត្ថភាព​​ផ្នែក​បញ្ចូល​មីក្រូសារជាតិ​នៅក្នុង​​ប្រទេស។

ភ្នំពេញ ប្រទេសកម្ពុជា ថ្ងៃទី ២៤ ខែ ឧសភា ឆ្នាំ ២០២២ – អំពើហិង្សាក្នុងគ្រួសារ ឬអំពើហិង្សាពីដៃគូស្និទ្ធស្នាល រួមមានអំពើហិង្សាលើរាងកាយ ផ្លូវភេទ ឬផ្លូវចិត្ត គឺជាអំពើហិង្សាដែលកើតឡើងញឹកញយបំផុតទៅលើស្ត្រីនៅក្នុងប្រទេសកម្ពុជា។ ស្ត្រីម្នាក់ក្នុងចំណោមប្រាំនាក់ ដែលមានអាយុចន្លោះពី ១៥ ទៅ ៤៩ ឆ្នាំធ្លាប់បានរងគ្រោះ​ដោយអំពើហិង្សាលើរាងកាយ។ យោងតាមរបាយការណ៍របស់មជ្ឈមណ្ឌលសិទ្ធិមនុស្សកម្ពុជាឆ្នាំ ២០២០ អត្រានៃឧប្បត្តិហេតុនេះ បានកើនឡើងក្នុងអំឡុងពេលនៃជំងឺរាតត្បាតកូវីដ-១៩។

ភ្នំពេញ៖ កម្មវិធីស្បៀងអាហារពិភពលោក​នៃ​អង្គការសហប្រជាជាតិ (WFP) សហការជាមួយនាយកដ្ឋានសុខភាព​សិក្សា​​​នៃ​ក្រសួងអប់រំ យុវជន និងកីឡា (MoEYS) ​នឹងចាប់ផ្ដើម​បើក​យុទ្ធនាការ​ទំនាក់ទំនង​ដើម្បី​ផ្លាស់ប្តូរ​ឥរិយាបទ​សង្គម​ទាក់ទងនឹងរបប​អាហារ​របស់​​កុមារក្នុងវ័យសិក្សា​នៅ​កម្ពុជា។