ចុងក្រោយគេ
រឿងរ៉ាវ
03 April 2024
ការលើកកម្ពស់សមភាពយេនឌ័រ៖ ដំណើរដ៏ស្ញប់ស្ញែងរបស់សិប្បកម្មកែច្នៃត្រី សោភ័ណ សុខម៉េង
ស្វែងយល់បន្ថែម
រឿងរ៉ាវ
08 March 2024
ស្រ្តី និងជំនួញ៖ ការចូលរួមចំណែករបស់ក្រុមស្ត្រីកែច្នៃផលិតផលជលផលក្នុងការពង្រឹងសមភាពយេនឌ័រ
ស្វែងយល់បន្ថែម
សេចក្តីប្រកាសព័ត៌មាន
09 January 2024
បង្កើនផលិតភាព និងភាពប្រកួតប្រជែងរបស់សហគ្រាសកែច្នៃផល ផលិតផលជលផល ខ្នាតតូច និងមធ្យមនៅកម្ពុជា តាមរយៈការពង្រឹងការប្រើប្រាស់បច្ចេកវិទ្យាសម្ងួតដោយថាមពលព្រះអាទិត្យ
ស្វែងយល់បន្ថែម
ចុងក្រោយគេ
គោលដៅអភិវឌ្ឍន៍ប្រកបដោយចីរភាពនៅប្រទេសកម្ពុជា
គោលដៅអភិវឌ្ឍន៍ប្រកបដោយចីរភាពគឺជាការអំពាវនាវឱ្យធ្វើសកម្មភាពជាសាកលដើម្បីបញ្ចប់ភាពក្រីក្រ ការពារបរិស្ថាន និងអាកាសធាតុរបស់ផែនដី ហើយធានាថាមនុស្សនៅគ្រប់ទីកន្លែងអាចទទួលបានសន្តិភាព និងវិបុលភាព។ ទាំងនេះគឺជាគោលដៅដែលអង្គការសហប្រជាជាតិកំពុងបំពេញបេសកកម្មការងារនៅកម្ពុជា៖
សេចក្តីប្រកាសព័ត៌មាន
10 November 2023
ពិធីចុះហត្ថលេខាលើក្របខណ្ឌសហប្រតិបត្តិការអភិវឌ្ឍន៍ប្រកបដោយចីរភាព នៃប្រព័ន្ធអង្គការសហប្រជាជាតិសម្រាប់កម្ពុជា ឆ្នាំ២០២៤-២០២៨
ក្របខណ្ឌសហប្រតិបត្តិការនេះ គឺជាឯកសារយុទ្ធសាស្ត្រដែលនឹងផ្តល់មគ្គុទេសដល់ប្រព័ន្ធអង្គការសហ ប្រជាជាតិទាំងអស់ដែលកំពុងប្រតិបត្តិការក្នុងប្រទេសកម្ពុជា ដើម្បីផ្តល់ការគាំទ្រដល់រាជរដ្ឋាភិបាលកម្ពុជាក្នុងការអនុវត្តគោលដៅអាទិភាពជាតិ ដែលបានកំណត់ក្នុងយុទ្ធសាស្រ្តបញ្ចកោណ-ដំណាក់កាលទី១ និងគោលដៅ អភិវឌ្ឍន៍ប្រកបដោយចីរភាព, ការគាំទ្រដល់ការត្រៀមចាកចេញពីក្រុមប្រទេសមានការអភិវឌ្ឍន៍តិចតួច និងការឈានទៅបានចុក្ខវិស័យកម្ពុជាឆ្នាំ២០៥០ ។ ក្របខណ្ឌសហប្រតិបត្តិការ ត្រូវបានរៀបចំឡើងដោយមានការពិគ្រោះយោបល់យ៉ាងទូលំទូលាយរវាងតំណាងក្រសួង សា្ថប័នពាក់ព័ន្ធនៃរាជរដ្ឋាភិបាល, បណ្តាភ្នាក់ងារនៃអង្គការ សហប្រជាជាតិ, ដៃគូអភិវឌ្ឍន៍, អង្គការសង្គមស៊ីវិល,វិស័យឯកជន និងតំណាងក្រុមយុវជន ។ ក្របខណ្ឌសហប្រតិបត្តិការនេះ ត្រូវបានអនុម័តជាគោលការណ៍ បន្ទាប់ពីបានពិនិត្យ និងពិគ្រោះយោបល់លើកចុងក្រោយកាលពីថ្ងៃទី២១ ខែកញ្ញា ឆ្នាំ២០២៣ ។
គណៈកម្មាធិការដឹកនាំការងារមួយ ដែលមានអនុប្រធានទី ២ នៃក្រុមប្រឹក្សាអភិវឌ្ឍន៍កម្ពុជា និងប្រធានសម្របសម្រួលប្រព័ន្ធអង្គការសហប្រជាជាតិ ជាសហប្រធាន នឹងត្រូវបង្កើតឡើង ដើម្បីត្រួតពិនិត្យការអនុវត្តក្របខណ្ឌសហប្រតិបត្តិការនេះ, ផ្តល់ទិសដៅជាយុទ្ធសាស្រ្ត និងផ្តល់កិច្ចសម្របសម្រួលរវាងរាជរដ្ឋាភិបាល និងភាគីពាក់ព័ន្ធទាំងអស់ ។ ពិធីចុះហត្ថលេខានេះជាការសម្រេចបាននូវសមិទ្ធផលរួមគ្នាមួយ ខណៈប្រសិទ្ធភាព នៃក្របខណ្ឌសហប្រតិបត្តិការនេះអាស្រ័យទៅលើការអនុវត្ត ដែលចាំបាច់ឱ្យមានការចូលរួមយ៉ាងសកម្ម និងភាពជាម្ចាស់របស់់រាជរដ្ឋាភិបាល និងភាពជាដៃគូប្រកបដោយចីរភាព និងបរិយាប័ន្នជាមួយដៃគូអភិវឌ្ឍន៍, អង្គការសង្គមស៊ីវិល និងវិស័យឯកជន ហើយការអនុវត្តនឹងត្រូវបានវាយតម្លៃតាមរយៈក្របខណ្ឌតាមដាន និងវាយតម្លៃ មួយ ។ តាមរយៈការផ្តោតលើកិច្ចការទាំងនេះ និងការពង្រឹងកិច្ចសហការរវាងគ្រប់ភាគីពាក់ព័ន្ធទាំងអស់ លទ្ធផលប្រកបដោយផ្លែផ្កានឹងអាចសម្រេចបានដែលឆ្ពោះទៅសម្រេចបានចុក្ខវិស័យរួមគ្នា និងការអភិវឌ្ឍន៍នៅកម្ពុជា ។
ថ្លែងក្នុងពិធីចុះហត្ថលេខាលើក្របខណ្ឌសហប្រតិបត្តិការអភិវឌ្ឍន៍ប្រកបដោយចីរភាពនៃអង្គការសហប្រជាជាតិសម្រាប់កម្ពុជា ឆ្នាំ២០២៤-២០២៨ ឯកឧត្ដមទេសរដ្ឋមន្រ្តី បានវាយតម្លៃខ្ពស់ចំពោះក្របខណ្ឌសហប្រតិបត្តិការនេះ និងបានសម្តែងនូវការជឿជាក់យ៉ាងមុតមាំថា ការអនុវត្តក្របខណ្ឌសហប្រតិបត្តិការនេះនឹងរួម ចំណែកយ៉ាងសំខាន់ដល់កិច្ចអភិវឌ្ឍន៍កម្ពុជា និងពន្លឿននូវការសម្រេចបាននូវគោលដៅអាទិភាពរបស់រាជរដ្ឋា- ភិបាល ដូចមានចែងក្នុងយុទ្ធសាស្ត្របញ្ចកោណ-ដំណាក់កាលទី១ ។ ឯកឧត្ដមទេសរដ្ឋមន្រ្តី ក៏បានកោតសរសើរពីកិច្ចប្រឹងប្រែងរបស់ប្រព័ន្ធអង្គការសហប្រជាជាតិ ដែលសម្រេចបាននូវសមិទ្ធផលជាទីមោទនៈកន្លងមក និងការបេ្តជ្ញាបន្តគាំទ្រ និងសហការយ៉ាងជិតសិ្នទ្ធជាមួយរាជរដ្ឋាភិបាលកម្ពុជានាពេលអនាគត ក្រោមការដឹកនាំ របស់ សមេ្តចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ។
ជាមួយគ្នានេះ លោក ចូ សូយ័រ ប្រធានសម្របសម្រួលប្រព័ន្ធអង្គការសហប្រជាជាតិប្រចាំកម្ពុជា បានថ្លែង ថា “ក្របខណ្ឌសហប្រតិបត្តិការដែលត្រូវបានចុះហត្ថលេខាថ្ងៃនេះ ឆ្លុះបញ្ចាំងពីភាពជាដៃគូដ៏រឹងមាំ និងមានប្រសិទ្ធភាព រវាងអង្គការសហប្រជាជាតិ និងរាជរដ្ឋាភិបាលកម្ពុជា ក្នុងការរួមចំណែកគាំទ្រដល់ប្រជាជនគ្រប់រូបនៅប្រទេសកម្ពុជា ដើម្បីសម្រេចបាននូវអនាគតប្រកបដោយវិបុលភាព សមភាព និងបៃតង និងសំដៅធានាថាពុំមាននរណាម្នាក់ត្រូវបានទុកចោល”។
ជាចុងបញ្ចប់ ឯកឧត្ដមទេសរដ្ឋមន្រ្តី បានបញ្ជាក់ពីគោលជំហររបស់ក្រុមប្រឹក្សាអភិវឌ្ឍន៍កម្ពុជា ក្នុងការបន្តសហការជាមួយប្រព័ន្ធអង្គការសហប្រជាជាតិ, ក្រសួង ស្ថាប័នពាក់ព័ន្ធនៃរាជរដ្ឋាភិបាល និងភាគីពាក់ព័ន្ធ ទាំងអស់ ដើម្បីធានាការសម្រេចបាននូវលទ្ធផលដែលបានគ្រោងទុក ក្នុងការអនុវត្តក្របខណ្ឌសហប្រតិបត្តិការ អភិវឌ្ឍន៍ប្រកបដោយចីរភាពនៃអង្គការសហប្រជាជាតិសម្រាប់កម្ពុជា ឆ្នាំ២០២៤-២០២៨ ។
សម្រាប់ព័ត៌មានបន្ថែម៖
លោក គ្រី សិរីរិទ្ធ ប្រធានស្តីទីនាយកដ្ឋានសហប្រតិបត្តិការអភិវឌ្ឍន៍ជាមួយប្រព័ន្ធអង្គការសហប្រជាជាតិ តាមរយៈអ៊ីម៉ែលkry.sereirith@crdb.gov.kh ឬ លេខទូរស័ព្ទ ០១០ ៦៨៦ ១៦៩
កញ្ញា កែវ ស្រីស្រស់ មន្ត្រីទំនាក់ទំនង និងតស៊ូមតិនៃការិយាល័យប្រធានសម្របសម្រួលអង្គការសហប្រជាជាតិប្រចាំកម្ពុជា តាមរយៈអ៊ីម៉ែលsreysros.keo@un.org ឬ លេខទូរស័ព្ទ ០១១ ៨៨៥ ៧៦៦
១ នៃ 4
ការបោះពុម្ពផ្សាយ
10 November 2023
United Nations Sustainable Development Cooperation Framework 2024-2028
The United Nations Sustainable Development Cooperation Framework (Cooperation Framework) 2024-2028 represents a collaborative strategy between the United Nations and the Royal Government of Cambodia to address structural development challenges affecting the country and facilitate a pathway towards development. It outlines the key focus areas and interventions proposed by the United Nations, working in concert with a wide range of development actors to accelerate Cambodia’s progress towards the Sustainable Development Goals (SDGs).
១ នៃ 4
រឿងរ៉ាវ
25 April 2023
ការបន្តឡើងវិញនៃកិច្ចសន្ទនាប្រចាំឆ្នាំរវាងអង្គការសហប្រជាជាតិ និងសម្តេចនាយករដ្ឋមន្ត្រី៖ ការប្តេជ្ញាចិត្តក្នុងការពង្រឹងការអភិវឌ្ឍធនធានមនុស្ស និងភាពធន់នៅប្រទេសកម្ពុជា
នៅថ្ងៃទី ២៨ ខែមីនា ឆ្នាំ ២០២៣ រាជរដ្ឋាភិបាលកម្ពុជា ក្រោមអធិបតីភាពសម្តេចតេជោនាយករដ្ឋមន្ត្រី ហ៊ុន សែន បានបើកកិច្ចសន្ទនាប្រចាំឆ្នាំលើកទី៦ ជាមួយប្រព័ន្ធអង្គការសហប្រជាជាតិ ដឹកនាំដោយអ្នកសម្របសម្រួលអង្គការសហប្រជាជាតិប្រចាំកម្ពុជា លោក ចូ សូយ័រ ។
កិច្ចសន្ទនាប្រចាំឆ្នាំរវាងអង្គការសហប្រជាជាតិ និងសម្តេចនាយករដ្ឋមន្ត្រី គឺជាវេទិកាកម្រិតខ្ពស់មួយ ដើម្បីពិនិត្យ និងឆ្លុះបញ្ចាំងពីការរួមចំណែករួមគ្នារវាងអង្គការសហប្រជាជាតិ និងរាជរដ្ឋាភិបាលកម្ពុជា ក៏ដូចជាពិភាក្សាអំពីអាទិភាពនៃការអភិវឌ្ឍជាតិនានា រួមទាំងវឌ្ឍនភាពឆ្ពោះទៅរកការសម្រេចបាននូវគោលដៅអភិវឌ្ឍន៍ប្រកបដោយចីរភាពរបស់កម្ពុជា(CSDGs) និងពង្រឹងកិច្ចសហប្រតិបត្តិការរវាងរាជរដ្ឋាភិបាលកម្ពុជា និងប្រព័ន្ធអង្គការសហប្រជាជាតិ។
ក្នុងកិច្ចសន្ទនានេះ អ្នកសម្របសម្រួលអង្គការសហប្រជាជាតិប្រចាំកម្ពុជា បានធ្វើបច្ចុប្បន្នភាពជូនលោកនាយករដ្ឋមន្ត្រីអំពីវឌ្ឍនភាពរួមគ្នាក្នុងការអនុវត្តក្របខ័ណ្ឌជំនួយអភិវឌ្ឍន៍របស់អង្គការសហប្រជាជាតិក្នុងពេលបច្ចុប្បន្ន(UNDAF2019–2023) និងការបង្កើតក្របខ័ណ្ឌកិច្ចសហប្រតិបត្តិការអភិវឌ្ឍន៍ប្រកបដោយចីរភាពអង្គការសហប្រជាជាតិថ្មី (UNSDCF 2024-2028) ដើម្បីគាំទ្រដល់ផែនការអភិវឌ្ឍន៍យុទ្ធសាស្ត្រជាតិ និងដើម្បីដោះស្រាយបញ្ហាអាទិភាពរបស់គោលដៅអភិវឌ្ឍន៍ប្រកបដោយចីរភាព រួមទាំងគម្លាតនានា។
កិច្ចសន្ទនាប្រចាំឆ្នាំ ២០២៣ បានផ្តោតលើប្រធានបទចំនួន ២៖ (១) ការពង្រឹងប្រព័ន្ធសុខភាពដែលមានភាពធន់ឆ្ពោះទៅរកការធានារ៉ាប់រងសុខភាពជាសកល (UHC) និងទី (២) ការពង្រីកការគ្របដណ្តប់ និងវិសាលភាពនៃការគាំពារសង្គម។ កិច្ចពិភាក្សាបានផ្តោតលើអាទិភាពរបស់រាជរដ្ឋាភិបាល និងទិសដៅយុទ្ធសាស្ត្រសម្រាប់ប្រព័ន្ធសុខភាពដែលមានភាពធន់រឹងមាំឆ្ពោះទៅរកការធានារ៉ាប់រងសុខភាពជាសកល (UHC) និងការធ្វើឱ្យប្រសើឡើង ក៏ដូចជាពង្រីកការគ្របដណ្តប់ប្រព័ន្ធគាំពារសង្គមដែលការពារប្រជាពលរដ្ឋទាំងអស់ក្នុងប្រទេសកម្ពុជា ជាពិសេសជនក្រីក្រ និងជនងាយរងគ្រោះពី ហានិភ័យ និងគ្រោះថ្នាក់ផ្សេងៗ។
អង្គការសហប្រជាជាតិនៅកម្ពុជាបានប្តេជ្ញាជាថ្មីក្នុងការជួយដល់អាទិភាពរបស់រាជរដ្ឋាភិបាលក្នុងការពង្រឹងប្រព័ន្ធសុខភាពដែលមានភាពធន់ និងការធានារ៉ាប់រងសុខភាពជាសកល (UHC) នៅក្នុងតំបន់យុទ្ធសាស្ត្រ រួមទាំងការរៀបចំប្រព័ន្ធសុខភាពសម្រាប់គ្រោះអាសន្នសុខភាពនៅថ្ងៃមុខ ជំងឺរាតត្បាត និងការពង្រឹងការថែទាំសុខភាពបឋមដែលជាមាគ៌ាដ៏មានប្រសិទ្ធភាព និងសមធម៌បំផុតសម្រាប់ការឆ្ពោះទៅរកការធានារ៉ាប់រងសុខភាពជាសកល (UHC) ។
ជុំវិញកិច្ចគាំពារសង្គមវិញ អង្គការសហប្រជាជាតិបានគូសបញ្ជាក់ពីអភិក្រមយុទ្ធសាស្ត្រ និងការប្តេជ្ញាក្នុងការគាំទ្រដល់ការពង្រីកបន្តិចម្តងៗ នៃការគ្របដណ្តប់ វិសាលភាព និងគុណភាពនៃការគាំពារសង្គម ដើម្បីសម្រេចបាននូវប្រព័ន្ធគាំពារសង្គមប្រកបដោយសុខដុមរមនា។ អង្គការសហប្រជាជាតិផ្តល់ជំនួយបច្ចេកទេសដើម្បីគាំទ្រដល់ការអភិវឌ្ឍន៍គោលនយោបាយ ក៏ដូចជាគាំទ្រដល់ការពង្រីកប្រព័ន្ធគាំពារសង្គម រួមទាំងការការពារជនងាយរងគ្រោះបំផុតរួមបញ្ចូលទាំងកម្មករទាំងក្នុងសេដ្ឋកិច្ចក្រៅផ្លូវការ និងក្រៅប្រព័ន្ធ និងការការពារសុខភាពផងដែរ ។
អង្គការសហប្រជាជាតិមានក្តីសោមនស្សក្នុងការបន្តកសាងភាពជាដៃគូជាមួយរដ្ឋាភិបាលកម្ពុជា និងដើម្បីកៀរគរកិច្ចខិតខំប្រឹងប្រែងរួមគ្នា គាំទ្រដល់អាទិភាពរបស់រដ្ឋាភិបាលក្នុងការពន្លឿនគោលដៅអភិវឌ្ឍន៍ប្រកបដោយចីរភាព។ អង្គការសហប្រជាជាតិនឹងបន្តសម្របសម្រួលយ៉ាងជិតស្និទ្ធជាមួយសមភាគីពាក់ព័ន្ធក្នុងរាជរដ្ឋាភិបាលកម្ពុជាក្នុងការទទួលយកអនុសាសន៍ និងសកម្មភាពនានាដែលបានពិភាក្សាក្នុងកិច្ចសន្ទនានេះ។
សុន្ទរកថាដោយ លោក ចូ សូយ័រ អ្នកសម្របសម្រួលអង្គការសហប្រជាជាតិប្រចាំប្រទេសកម្ពុជា
១ នៃ 4
ការបោះពុម្ពផ្សាយ
12 July 2023
Annual Results Report 2022 Cambodia
Throughout the year, the United Nations (UN) in Cambodia continued to work in close partnership with the Royal Government of Cambodia, building capacities and providing technical assistance to support the country’s progress towards its national development objectives and the 2030 Agenda for Sustainable Development and Sustainable Development Goals (SDGs). Despite the unprecedented challenges presented concurrently by the COVID-19 pandemic, the food and energy crisis, and global tensions, Cambodia has demonstrated immense resolve and emerged both with lessons learned and strengthened systems to face forthcoming hindrances to its development goals. Together with the Government, the United Nations (UN) in Cambodia has strived to reduce vulnerabilities with the aim to leave no one behind, and to increase sustainability to ensure Cambodia is able to withstand future shocks related to climate change, public health, and other challenges. Although the impacts of the COVID-19 pandemic have lingered, we have witnessed Cambodia’s remarkable resilience and capacity to rapidly recover. Shifting from the initial emergency phase to the sustained management of COVID-19, in 2022, the UNCT supported the Government to draw on lessons learned from the pandemic to improve preparedness, response, and resilience to future shocks. These lessons learned have been adapted into our joint priorities and planning for the year ahead.
១ នៃ 4
រឿងរ៉ាវ
03 April 2024
ការលើកកម្ពស់សមភាពយេនឌ័រ៖ ដំណើរដ៏ស្ញប់ស្ញែងរបស់សិប្បកម្មកែច្នៃត្រី សោភ័ណ សុខម៉េង
ថ្វីបើស្រ្តី គឺជាកម្លាំងពលកម្មស្នូលក្នុងដំណើរការកែច្នៃ និងការទិញលក់ផលិតផលជលផល ប៉ុន្តែជារឿយៗ តួនាទីដ៏សំខាន់នេះត្រូវបានគេមើលរំលង និងមិនបានទទួលស្គាល់ ដែលជាកត្តារារាំងធ្វើឲ្យស្រ្តីមិនអាចបញ្ចេញសមត្ថភាពឱ្យ អស់សក្តានុពល ជាលទ្ធផល វាប៉ះពាល់ដល់សក្តានុពលនៃវិស័យជលផលទាំងមូល។ ដោយវិស័យនេះ មានសារៈសំខាន់យ៉ាងខ្លាំងសម្រាប់ការអភិវឌ្ឍជាតិ បញ្ហាវិសមភាពក្នុងវិស័យជលផលក្រោយប្រមូលផល ក្លាយជាការបន្ទុចបង្អាក់ភាពរីកចម្រើនក្នុងវិស័យផ្សេងទៀតនៅកម្ពុជា។អង្គការសហប្រជាជាតិដើម្បីអភិវឌ្ឍន៍ឧស្សាហកម្ម (UNIDO) សហការជាមួយ រដ្ឋបាលជលផលកម្ពុជា (FiA) តាមរយៈ គម្រោងអភិវឌ្ឍន៍ជលផលក្រោយប្រមូលផល (CAPFISH-Capture) បាន និងកំពុងខិតខំប្រឹងប្រែងធានាឱ្យមានតុល្យភាព ដោយផ្តល់ភាពអង់អាចដល់ស្រ្តីនៅក្នុងខ្សែច្រវាក់តម្លៃ។ សិប្បកម្មកែច្នៃត្រី សោភ័ណ សុខម៉េង គឺជាអាជីវកម្មលក្ខណៈគ្រួសារមួយ នៅក្នុងខេត្តកំពង់ធំ ដែលបាន និងកំពុងចូលរួមយ៉ាងសកម្មលើកកម្ពស់ទិដ្ឋភាពនេះ។សហគ្រាសនេះ ត្រូវបានបង្កើតឡើងក្នុងឆ្នាំ ២០១១ ដោយមានឈ្មោះ «សិប្បកម្មផលិតត្រីងៀត សួង សោភ័ណ» ដោយយកតាមឈ្មោះប្តី ហើយមានការរីកចម្រើនគួរឱ្យកត់សម្គាល់ក្រោយទទួលបានការគាំទ្រពីគម្រោង CAPFISH-Capture ដែលគម្រោងនេះមានការគាំទ្រថវិកាពី សហភាពអឺរ៉ុប (EU)។ សហគ្រាស បានទទួលវិញ្ញាបនប័ត្របញ្ជាក់គុណភាពផល ផលិតផលជលផលកម្ពុជា (CQS Basic) ក្រោយពេលចូលរួមវគ្គ
បណ្តុះបណ្តាលស្តីអំពីសុវត្ថិភាពម្ហូបអាហារ និងជំនួយហិរញ្ញវត្ថុក្នុងការកែលម្អទីតាំងកែច្នៃ ដោយបំពាក់នូវសម្ភារ បរិក្ខារផ្តល់ដោយគម្រោង។ ការអនុវត្តល្អប្រសើរនេះ ជួយឱ្យសហគ្រាសទទួលបានដៃគូ និងអតិថិជនមានសក្តានុពលថ្មីៗជាច្រើន រួមទាំងផ្សារ ទំនើបមួយចំនួន ដែលជម្រុញឲ្យសហគ្រាសមានការចុះបញ្ជីផលិតផល និងរៀបចំឱ្យមានជាបារកូដផលិតផលផងដែរ។ ជាការកត់សម្គាល់ ការផ្លាស់ប្តូរដ៏សំខាន់មួយបានកើតឡើងសម្រាប់សហគ្រាស បន្ទាប់ពីការចូលរួមវគ្គបណ្តុះបណ្តាលជាច្រើនដែលរៀបចំឡើងដោយគម្រោងស្តីពីសមភាពយេនឌ័រ និងភាពជាអ្នកដឹកនាំកាលពីឆ្នាំ ២០២៣។ការផ្លាស់ប្តូរមួយ គឺអាជីវកម្មបានប្តូរឈ្មោះមកជា «សិប្បកម្មកែច្នៃត្រី សោភ័ណ សុខម៉េង» ជាការបញ្ចូលគ្នារវាងឈ្មោះរបស់ប្តី និងប្រពន្ធរួមគ្នា ឆ្លុះបញ្ចាំងអំពីកម្មសិទិ្ធរួម គឺអ្នកស្រី សុខម៉េង និងលោក សោភ័ណ។ចំណុចដែលគួរឱ្យកើតសរសើរមួយទៀតនោះ គឺការទទួលស្គាល់របស់អ្នកស្រី សុខម៉េង អំពីសារៈសំខាន់នៃការបន្តរៀនសូត្រ និងអភិវឌ្ឍន៍ជំនាញ។ មរត៌កបន្សល់ទុកពីម្តាយសម្រាប់អ្នកស្រី គឺចំណេះដឹង និងជំនាញក្នុងការកែច្នៃត្រី និងឆន្ទៈមុតស្រួចក្នុងការធ្វើអាជីវកម្ម។ ទោះជាបែបនេះក្តី អ្នកស្រី សុខម៉េង ក៏មិនខុសពីស្ត្រីជាច្រើនផ្សេងទៀតផងដែរ ដែលកាលពីមុន ស្ត្រីនៅក្នុងសង្គមមិនទទួលបានឱកាសដូចគ្នាទៅនឹងដៃគូបុរសរបស់ខ្លួនឡើយ។ ដោយស្រ្តី ទទួលបន្ទុកមើលថែទាំគ្រួសារ មានពេលវេលាតិចតួចប៉ុណ្ណោះសម្រាប់ធ្វើអាជីវកម្ម។ ប៉ុន្តែ តាមរយៈការចូលរួមវគ្គបណ្តុះបណ្តាលស្តីអំពីសមភាពយេនឌ័រ ការផ្លាស់ប្តូរចាប់ផើ្តមកើតមានឡើង។នាពេលបច្ចុប្បន្ន អ្នកស្រី សុខម៉េង ទទួលខុសត្រូវគ្រប់គ្រងហិរញ្ញវត្ថុរបស់អាជីវកម្ម ប្រកបដោយចំណេះដឹង និងភាពការជឿជាក់។ «រវាងនាងខ្ញុំ និងប្តី យើងបានបែងចែកការទទួលខុសត្រូវច្បាស់លាស់ផ្សេងគ្នា ដោយនាងខ្ញុំរ៉ាប់រងគ្រប់គ្រងផ្នែកហិរញ្ញវត្ថុ និងប្រតិបត្តិការអាជីវកម្ម ខណៈដែលគ្រួសារនាងខ្ញុំទទួលបន្ទុកទំនាក់ទំនងសាធារណៈ ការផ្សព្វផ្សាយផលិតផល និងការភ្ជាប់ទំនាក់ទំនងជាមួយទីផ្សារ» លោកស្រីបញ្ជាក់។រាល់ចំណេះដឹងថ្មីៗដែលអ្នកស្រី សុខម៉េង ទទួលបាន អ្នកស្រី តែងតែចែករំលែកជាមួយបុគ្គលិកខ្លួន លើកកម្ពស់ការយល់ដឹងពាក់ព័ន្ធបញ្ហាអំពើហិង្សាក្នុងគ្រួសារ សិទិ្ធស្ត្រី និងការចែករំលែកបន្ទុកការងារក្នុងគ្រួសារ។អ្នកស្រីបន្ថែមថា «តាមរយៈការបែងចែកទំនួលខុសត្រូវផ្នែកអាជីវកម្ម និងគ្រួសារដោយស្មើភាព វាជួយពង្រឹងភាពអង់អាចដល់ស្រ្តី ផ្តល់ឱកាសឱ្យស្ត្រីទទួលបាន និងដុះខាត់ជំនាញ និងសមត្ថភាពកាន់តែប្រសើរ។»ផលជះពីការវិនិយោគនេះ មិនមែនជួយដល់ត្រឹមសហគ្រាសប៉ុណ្ណោះទេ។ ជាឧទាហរណ៍ ដំបូងឡើយ ផលិតផលត្រីងៀតរបស់សហគ្រាសបម្រើឱ្យទីផ្សារក្នុងមូលដ្ឋានតែប៉ុណ្ណោះ ប៉ុន្តែ ថ្មីៗនេះ សហគ្រាសបានបង្កើនការផលិតត្រីងៀតក្នុងបរិមាណស្ទើរតែមិនគួរឲ្យជឿពី ៥០០ គីឡូក្រាម ទៅដល់ ២៥០០ គីឡូក្រាមក្នុងមួយខែ។ ជាមួយគុណភាពត្រីងៀតកាន់តែប្រសើរ សិប្បកម្មកែច្នៃត្រី សោភ័ណ សុខម៉េង ទទួលបានការជឿទុកចិត្តពីអតិថិជនថ្មីៗ ផ្គត់ផ្គង់ ផលិតផលមានសុវត្ថិភាពដល់ទីផ្សារទូទៅ និងទទួលបានប្រាក់ចំណូលកាន់តែប្រសើរ។សហគ្រាសរួមចំណែកបង្កើតការងារថ្មី និងបង្កើនប្រាក់ចំណូលបន្ថែមសម្រាប់បុគ្គលិក និងតួអង្គក្នុងខ្សែច្រវាក់តម្លៃផងដែរ។ ការណ៍នេះ ជួយឱ្យអ្នកផ្គត់ផ្គង់ និងបុគ្គលិកកម្មករ អាចបញ្ជូនកូនទៅចូលរៀន និងរួមចំណែកបង្កើតឲ្យមានខ្សែច្រវាក់ផ្គត់ផ្គង់មួយដែលប្រកបដោយសមភាព និងសុខមាលភាព។ក្នុងបរិការណ៍ដែលអាជីវកម្មមានការប្រែប្រួលយ៉ាងឆាប់រហ័ស សិប្បកម្មកែច្នៃត្រី សោភ័ណ សុខម៉េង គឺជាតួអង្គជំរុញទឹកចិត្តគម្រូមួយ ក្នុងការផ្លាស់ប្តូរផ្នត់គំនិតស្តីអំពីយេនឌ័រ និងត្រួសត្រាយផ្លូវសម្រាប់វិបុលភាពនៃការកែច្នៃ ផលិតផលជលផលប្រកបដោយបរិយាប័ន្ននៅក្នុងវិស័យកែច្នៃម្ហូបអាហារនៅកម្ពុជា។ វាជាទម្រង់អាជីវកម្មដែលសហគ្រាស ឬឧស្សាហកម្មផ្សេងទៀតអាចរៀនសូត្រតាមបាន។
បណ្តុះបណ្តាលស្តីអំពីសុវត្ថិភាពម្ហូបអាហារ និងជំនួយហិរញ្ញវត្ថុក្នុងការកែលម្អទីតាំងកែច្នៃ ដោយបំពាក់នូវសម្ភារ បរិក្ខារផ្តល់ដោយគម្រោង។ ការអនុវត្តល្អប្រសើរនេះ ជួយឱ្យសហគ្រាសទទួលបានដៃគូ និងអតិថិជនមានសក្តានុពលថ្មីៗជាច្រើន រួមទាំងផ្សារ ទំនើបមួយចំនួន ដែលជម្រុញឲ្យសហគ្រាសមានការចុះបញ្ជីផលិតផល និងរៀបចំឱ្យមានជាបារកូដផលិតផលផងដែរ។ ជាការកត់សម្គាល់ ការផ្លាស់ប្តូរដ៏សំខាន់មួយបានកើតឡើងសម្រាប់សហគ្រាស បន្ទាប់ពីការចូលរួមវគ្គបណ្តុះបណ្តាលជាច្រើនដែលរៀបចំឡើងដោយគម្រោងស្តីពីសមភាពយេនឌ័រ និងភាពជាអ្នកដឹកនាំកាលពីឆ្នាំ ២០២៣។ការផ្លាស់ប្តូរមួយ គឺអាជីវកម្មបានប្តូរឈ្មោះមកជា «សិប្បកម្មកែច្នៃត្រី សោភ័ណ សុខម៉េង» ជាការបញ្ចូលគ្នារវាងឈ្មោះរបស់ប្តី និងប្រពន្ធរួមគ្នា ឆ្លុះបញ្ចាំងអំពីកម្មសិទិ្ធរួម គឺអ្នកស្រី សុខម៉េង និងលោក សោភ័ណ។ចំណុចដែលគួរឱ្យកើតសរសើរមួយទៀតនោះ គឺការទទួលស្គាល់របស់អ្នកស្រី សុខម៉េង អំពីសារៈសំខាន់នៃការបន្តរៀនសូត្រ និងអភិវឌ្ឍន៍ជំនាញ។ មរត៌កបន្សល់ទុកពីម្តាយសម្រាប់អ្នកស្រី គឺចំណេះដឹង និងជំនាញក្នុងការកែច្នៃត្រី និងឆន្ទៈមុតស្រួចក្នុងការធ្វើអាជីវកម្ម។ ទោះជាបែបនេះក្តី អ្នកស្រី សុខម៉េង ក៏មិនខុសពីស្ត្រីជាច្រើនផ្សេងទៀតផងដែរ ដែលកាលពីមុន ស្ត្រីនៅក្នុងសង្គមមិនទទួលបានឱកាសដូចគ្នាទៅនឹងដៃគូបុរសរបស់ខ្លួនឡើយ។ ដោយស្រ្តី ទទួលបន្ទុកមើលថែទាំគ្រួសារ មានពេលវេលាតិចតួចប៉ុណ្ណោះសម្រាប់ធ្វើអាជីវកម្ម។ ប៉ុន្តែ តាមរយៈការចូលរួមវគ្គបណ្តុះបណ្តាលស្តីអំពីសមភាពយេនឌ័រ ការផ្លាស់ប្តូរចាប់ផើ្តមកើតមានឡើង។នាពេលបច្ចុប្បន្ន អ្នកស្រី សុខម៉េង ទទួលខុសត្រូវគ្រប់គ្រងហិរញ្ញវត្ថុរបស់អាជីវកម្ម ប្រកបដោយចំណេះដឹង និងភាពការជឿជាក់។ «រវាងនាងខ្ញុំ និងប្តី យើងបានបែងចែកការទទួលខុសត្រូវច្បាស់លាស់ផ្សេងគ្នា ដោយនាងខ្ញុំរ៉ាប់រងគ្រប់គ្រងផ្នែកហិរញ្ញវត្ថុ និងប្រតិបត្តិការអាជីវកម្ម ខណៈដែលគ្រួសារនាងខ្ញុំទទួលបន្ទុកទំនាក់ទំនងសាធារណៈ ការផ្សព្វផ្សាយផលិតផល និងការភ្ជាប់ទំនាក់ទំនងជាមួយទីផ្សារ» លោកស្រីបញ្ជាក់។រាល់ចំណេះដឹងថ្មីៗដែលអ្នកស្រី សុខម៉េង ទទួលបាន អ្នកស្រី តែងតែចែករំលែកជាមួយបុគ្គលិកខ្លួន លើកកម្ពស់ការយល់ដឹងពាក់ព័ន្ធបញ្ហាអំពើហិង្សាក្នុងគ្រួសារ សិទិ្ធស្ត្រី និងការចែករំលែកបន្ទុកការងារក្នុងគ្រួសារ។អ្នកស្រីបន្ថែមថា «តាមរយៈការបែងចែកទំនួលខុសត្រូវផ្នែកអាជីវកម្ម និងគ្រួសារដោយស្មើភាព វាជួយពង្រឹងភាពអង់អាចដល់ស្រ្តី ផ្តល់ឱកាសឱ្យស្ត្រីទទួលបាន និងដុះខាត់ជំនាញ និងសមត្ថភាពកាន់តែប្រសើរ។»ផលជះពីការវិនិយោគនេះ មិនមែនជួយដល់ត្រឹមសហគ្រាសប៉ុណ្ណោះទេ។ ជាឧទាហរណ៍ ដំបូងឡើយ ផលិតផលត្រីងៀតរបស់សហគ្រាសបម្រើឱ្យទីផ្សារក្នុងមូលដ្ឋានតែប៉ុណ្ណោះ ប៉ុន្តែ ថ្មីៗនេះ សហគ្រាសបានបង្កើនការផលិតត្រីងៀតក្នុងបរិមាណស្ទើរតែមិនគួរឲ្យជឿពី ៥០០ គីឡូក្រាម ទៅដល់ ២៥០០ គីឡូក្រាមក្នុងមួយខែ។ ជាមួយគុណភាពត្រីងៀតកាន់តែប្រសើរ សិប្បកម្មកែច្នៃត្រី សោភ័ណ សុខម៉េង ទទួលបានការជឿទុកចិត្តពីអតិថិជនថ្មីៗ ផ្គត់ផ្គង់ ផលិតផលមានសុវត្ថិភាពដល់ទីផ្សារទូទៅ និងទទួលបានប្រាក់ចំណូលកាន់តែប្រសើរ។សហគ្រាសរួមចំណែកបង្កើតការងារថ្មី និងបង្កើនប្រាក់ចំណូលបន្ថែមសម្រាប់បុគ្គលិក និងតួអង្គក្នុងខ្សែច្រវាក់តម្លៃផងដែរ។ ការណ៍នេះ ជួយឱ្យអ្នកផ្គត់ផ្គង់ និងបុគ្គលិកកម្មករ អាចបញ្ជូនកូនទៅចូលរៀន និងរួមចំណែកបង្កើតឲ្យមានខ្សែច្រវាក់ផ្គត់ផ្គង់មួយដែលប្រកបដោយសមភាព និងសុខមាលភាព។ក្នុងបរិការណ៍ដែលអាជីវកម្មមានការប្រែប្រួលយ៉ាងឆាប់រហ័ស សិប្បកម្មកែច្នៃត្រី សោភ័ណ សុខម៉េង គឺជាតួអង្គជំរុញទឹកចិត្តគម្រូមួយ ក្នុងការផ្លាស់ប្តូរផ្នត់គំនិតស្តីអំពីយេនឌ័រ និងត្រួសត្រាយផ្លូវសម្រាប់វិបុលភាពនៃការកែច្នៃ ផលិតផលជលផលប្រកបដោយបរិយាប័ន្ននៅក្នុងវិស័យកែច្នៃម្ហូបអាហារនៅកម្ពុជា។ វាជាទម្រង់អាជីវកម្មដែលសហគ្រាស ឬឧស្សាហកម្មផ្សេងទៀតអាចរៀនសូត្រតាមបាន។
១ នៃ 5
រឿងរ៉ាវ
08 March 2024
ស្រ្តី និងជំនួញ៖ ការចូលរួមចំណែករបស់ក្រុមស្ត្រីកែច្នៃផលិតផលជលផលក្នុងការពង្រឹងសមភាពយេនឌ័រ
នៅក្នុងសហគមន៍នេសាទដ៏មមាញឹកមួយក្នុងខេត្តកោះកុង យើងអាចមើលឃើញមានក្រុមស្ត្រីកែច្នៃផលិតផលជលផលមួយក្រុម រួមជាមួយអ្នកស្រី ប៊ុន វ៉ាង ជាប្រធានក្រុម ដែលនេះជាសញ្ញាណនៃការផ្តល់ភាពអង់អាចដល់ស្ត្រី និងការបំពេញការងារជាក្រុមដ៏គួរឲ្យកត់សម្គាល់។កាលនៅវ័យជំទង់ អ្នកស្រី ប៊ុន វ៉ាង បានរៀនសូត្រពីម្តាយរបស់គាត់នូវរូបមន្តសម្ងាត់នៃការចម្អិនអាហារសមុទ្រប្រកបដោយរសជាតិឆ្ងាញ់ពិសារ។ ក្រោយមក ម្តាយក្មេករបស់អ្នកស្រី ក៏បានបង្ហាត់បង្ហាញគាត់នូវរូបមន្ត និងវិធីសាស្រ្តក្នុងការចម្អិនអាហារដ៏សម្បូរបែបផ្សេងទៀតផងដែរ។ដោយបន្តជីវភាពរស់នៅក្នុងសហគមន៍ពាមក្រសោបក្នុងខេត្តកោះកុង អ្នកស្រី ប៊ុន វ៉ាង បានបន្តអនុវត្តនូវវិធីសាស្ត្រចម្អិនអាហារទាំងនេះ ដោយបន្ថែមគ្រឿងផ្សំពិសេសផ្ទាល់ខ្លួន។ អ្នកស្រី ក៏បានចាប់ផ្តើមប្រកបអាជីវកម្មកែច្នៃបង្គាក្រៀមជាលក្ខណៈគ្រួសារ។ក្នុងអំឡុងពេលនេះ បន្ថែមលើជំនាញ និងបទពិសោធន៍ទទួលបានពីប្រទេសថៃ និងវគ្គបណ្តុះបណ្តាលផ្សេងៗជាច្រើន អ្នកស្រី ប៊ុន វ៉ាង ប្រែក្លាយអាជីវកម្មលក្ខណៈគ្រួសារដែលអ្នកស្រីបានខំប្រឹងប្រែងកសាងអស់កាលជាយូរនោះឲ្យ ឱ្យទៅជាអាជីវកម្មកែច្នៃបង្គាក្រៀមកាន់តែធំជាងមុន។ ដោយមានគោលបំណង់ជួយ និងផ្តល់ភាពអង់អាចទៅដល់ស្រ្តីនៅក្នុង សហគមន៍ខ្លួន អ្នកស្រីបានបង្កើតក្រុមស្រ្តីកែច្នៃផលិតផលជលផលនៅក្នុងសហគមន៍ ពាមក្រសោប ក្នុងឆ្នាំ ២០១៤។រឿងរ៉ាវក្រោយឆាកជាច្រើន បានជំរុញទឹកចិត្តឱ្យអ្នកស្រីចងក្រងបង្កើតក្រុមនេះឡើង។ ស្រ្តីនៅក្នុងសហគមន៍ ពឹងផ្អែកទាំងស្រុងលើប្រាក់ចំណូលពីរបរនេសាទរបស់ប្តីប្រឈមនឹងបញ្ហាហិរញ្ញវត្ថុដែលពេលខ្លះវាជាមូលហេតុបង្កឲ្យមានជាអំពើហិង្សាក្នុងគ្រួសារ។ ជាចក្ខុវិស័យ អ្នកស្រី ប៊ុន វ៉ាង យល់ឃើញថា ការចងក្រងជាក្រុម គឺជាមធ្យោបាយមួយក្នុងការបង្កើតឱកាសរកប្រាក់ចំណូល លើកកម្ពស់ជីវភាពរស់នៅ និងកសាងឯករាជ្យភាពសម្រាប់ស្រ្តី។នៅក្នុងក្រុមរបស់អ្នកស្រី មានសមាជិកសកម្មចំនួន ០៩ រូប ដែលដើរតួនាទីយ៉ាងសំខាន់ក្នុងការសម្រួចសេដ្ឋកិច្ចក្នុងសហគមន៍។ ពួកគេម្នាក់ៗ មានការទទួលខុសត្រូវ និងភារកិច្ចជាក់លាក់នៅក្នុងខ្សែច្រវាក់ផលិតកម្ម ចាប់ផ្តើមពីការលាងសម្អាត ការស្ងោរ ការវេចខ្ចប់ និងការផ្សព្វផ្សាយទីផ្សារ។ ផលិតផលត្រូវបានសម្រិតសម្រាំង និងកែច្ចៃដោយយកចិត្តទុកដាក់ ប្រើប្រាស់បង្គាធម្មជាតិក្នុងស្រុកពិសេសដើម្បីទទួលបានគុណភាពខ្ពស់ និងរសជាតិឆ្ងាញ់ពិសារ មានដូចជាបង្គាក្រៀម យីហ៊ឺ កាពិឬគីជាដើម។ការតាំងចិត្តរៀនសូត្រ និងអភិវឌ្ឍជំនាញបន្ថែម ជួយឱ្យអ្នកស្រី ប៊ុន វ៉ាង និងក្រុមទទួលបានការគាំទ្រ ទាំងបច្ចេកទេស និងហិរញ្ញវត្ថុពីស្ថាប័នជាច្រើន ជាក់ស្តែងពីគម្រោងអភិវឌ្ឍន៍ជលផលក្រោយប្រមូលផល (CAPFISH-Capture) លើការគ្រប់គ្រងអាជីវកម្ម ការធ្វីទីផ្សារតាមបែបឌីជីថល និងសុវត្ថិភាពម្ហូបអាហារ។អ្នកស្រីបានលើកឡើងថា «ស្រ្តីយើងភាគច្រើនជាប់រវល់ការងារផ្ទះសម្បែង ប៉ុន្តែចាំបាច់ណាស់ដែលយើងត្រូវចេះ លៃលកពេលវេលារៀនសូត្រជំនាញ និងចំណេះដឹងថ្មីៗ ក៏ដូចជាបច្ចេកវិទ្យាននា ដើម្បីអាចឱ្យអាជីវកម្មរីកចម្រើន និងដើរទៅមុខ។»ក្រោមការគាំទ្រថវិការបស់ សហភាពអឺរ៉ុប (EU) គម្រោងត្រូវបានអនុវត្តរួមគ្នាដោយ អង្គការសហប្រជាជាតិដើម្បីអភិវឌ្ឍន៍ឧស្សាហកម្ម (UNIDO) និងរដ្ឋបាលជលផល (FiA) ។ គម្រោងបានផ្តល់ទូសម្ងួតពន្លឺព្រះអាទិត្យដល់ក្រុម ដើម្បីហាលសម្ងួតបង្គាក្រៀមឱ្យបានកាន់តែប្រសើរ ដែលវាជួយឱ្យអាជីវកម្មរីកចម្រើន។ គម្រោង CAPFISH-Capture ផ្តោតការគិតគូរ និងអនុវត្តយ៉ាងសកម្មដើម្បីលើកកម្ពស់សមភាពយេនឌ័រ ដោយដាក់បញ្ចូលបញ្ហានេះទៅក្នុងគ្រប់សកម្មភាពរបស់គម្រោង និងផ្តល់ភាពអង់អាចទៅដល់ស្រ្តីនៅក្នុងខ្សែច្រវាក់តម្លៃជលផល ក្រោយប្រមូលផលទាំងមូល។ផលជះដែលយើងកត់សម្គាល់ឃើញនៅក្នុងក្រុមស្រ្តីកែច្នៃពាមក្រសោបមានវិសាលភាពលើសពីតម្លៃសេដ្ឋកិច្ច។ ដោយបានបង្កើតការងារសម្រាប់សហគមន៍ចំនួន ០៧ គ្រួសារ វាបានចូលរួមជួយលើកកម្ពស់ទំនុកចិត្តរបស់សហគមន៍ និងរួមចំណែកកាត់បន្ថយអំពើហឹង្សាក្នុងគ្រួសារ។ ខណៈដែលស្រ្តីជាសមាជិកក្រុម មានជម្រើសហិរញ្ញវត្ថុកាន់តែប្រសើរជាង មុនតាមរយៈសកម្មភាពក្រុមសន្សំ វាធ្វើឲ្យជីវភាពរស់នៅមានភាពប្រសើរជាងមុន កុមារី កុមារាក្នុងសហគមន៍បានសិក្សារៀនសូត្រ។ ការពង្រឹងអំណាចរួមរបស់សក្រុមស្ត្រីធ្វើការងាររួមគ្នាជាបណ្តាញ និងការពឹងអាស្រ័យគ្នាទៅវិញទៅមក គឺជា អានុភាពនៃកម្លាំងផ្លាស់ប្តូរមួយ ឆ្លើយតបទៅនឹងវិសមភាពយេនឌ័រ និងផ្តល់អត្ថប្រយោជន៍ដល់តួអង្គក្នុងខ្សែច្រវាក់តម្លៃ ទាំងមូល។ អ្នកស្រី ប៊ុន វ៉ាង ទទួលស្គាល់ថា ដំណើរនៅតែបន្តទៅមុខវែងឆ្ងាយទៀត ថ្វីបើក្រុមពើបប្រទះនឹងការលំបាក ជាច្រើនដូចជា នៅពេលខ្លះមានកង្វះខាតការផ្គត់ផ្គង់បង្គារស្រស់ និងវត្ថុធាតុដើមផ្សេងៗទៀត ដោយសារកត្តាអាកាសធាតុ មិនអំណោយផល តែអ្នកស្រីនៅតែមានសុទិដ្ឋិនិយម ដោយមានជំនឿឥតងាករ៉េលើសាមគ្គីភាព និងភាពរឹងម៉ាំរបស់ក្រុមខ្លួន។ លោកស្រីបន្ថែមថា «ក្នុងនាមជាស្រ្តី យើងត្រូវមានអាជីវកម្មដែលជាប្រភពចំណូលផ្ទាល់ខ្លួន ដើម្បីកសាងឯករាជ្យភាព និងតួនាទីសម្រេចចិត្តនៅក្នុងគ្រួសារ។»
១ នៃ 5
រឿងរ៉ាវ
02 December 2023
ការផ្តល់អំណាចសហគមន៍៖ កម្លាំងផ្លាស់ប្ដូរក្នុងការឆ្លើយតបនឹងមេរោគអេដស៍របស់កម្ពុជា
ថ្ងៃ ១ ធ្នូ គឺជាខួបលើកទី ៣៥ នៃទិវាពិភពលោកប្រយុទ្ធនឹងជំងឺអេដស៍ ដែលជាឱកាសមួយដើម្បីឆ្លុះបញ្ចាំងពីវឌ្ឍនភាពគួរឱ្យកត់សម្គាល់របស់ប្រទេសកម្ពុជា ក្នុងការឆ្លើយតបនឹងមេរោគអេដស៍/ជំងឺអេដស៍ ជាពិសេសក្នុងរយៈពេលមួយទសវត្សរ៍កន្លងមកនេះ ហើយនិងទទួលស្គាល់ការងារដែលនៅសេសសល់ដើម្បីបញ្ចប់ជំងឺនេះដែលជាការគំរាមកំហែងដល់សុខភាពសាធារណៈ។ យើងក៏ចងចាំ និងកោតសរសើរដល់កិច្ចខិតខំប្រឹងប្រែងជាវីរភាពរបស់អ្នកដែលនៅជួរមុខនៃការឆ្លើយតបនឹងមេរោគអេដស៍ ជាពិសេស តួនាទីប្រកបដោយការផ្លាស់ប្តូរ ដែលអង្គការដឹកនាំដោយសហគមន៍ ដើរតួនាទី ។
ក្រុមការងារសហគមន៍ត្រូវបានដឹកនាំដោយប្រជាជនយ៉ាងពិតប្រាកដ។ ជួបជាមួយអ្នកស្រី វន វី ជាស្ត្រីខ្មែរមានភាពអំនត់ម្នាក់ ដែលមានក្តីសុបិនចង់ក្លាយជាគ្រូបង្រៀន ហើយបានពង្រីកតួនាទីរបស់ខ្លួនក្លាយជាអ្នកដឹកនាំក្នុងកិច្ចខិតខំប្រឹងប្រែងប្រឆាំងនឹងមេរោគអេដស៍/ជំងឺអេដស៍ក្នុងប្រទេស។
ដោយមានការជម្រុញលើកទឹកចិត្តពីអង្គការសុខភាពក្នុងស្រុក ដែលចុះផ្សព្វផ្សាយនៅកន្លែងការងាររបស់ខ្លួន អ្នកស្រី វី ក៏មានបំណងចូលរួមក្នុងសកម្មភាពផ្សព្វផ្សាយ ដោយអាចចែករំលែកបទពិសោធន៍ផ្ទាល់ខ្លួនរបស់គាត់ក្នុងការរស់នៅជាមួយមេរោគអេដស៍ ដើម្បីជួយអប់រំដល់ស្ត្រីបម្រើការតាមគ្រឹះស្ថាន កម្សាន្តដទៃទៀតអំពីការបង្ការមេរោគអេដស៍។ បើទោះបីជាជីវភាពក្រីក្រ និងមានបញ្ហាផ្នែកសុខភាពក៏ដោយ ក៏អ្នកស្រីបានតស៊ូរហូតក្លាយជាអ្នកដឹកនាំក្នុងវេទិការួមគ្នារបស់បណ្តាញអ្នករស់នៅជាមួយមេរោគអេដស៍ និងប្រជាជនងាយរងគ្រោះដោយមេរោគអេដស៍ (DFoNPAM) ក្នុងខេត្តបាត់ដំបង។ វេទិកានេះភ្ជាប់បុគ្គលដែលរស់នៅជាមួយមេរោគអេដស៍ និងប្រជាជនងាយរងគ្រោះដោយមេរោគអេដស៍ មានដូចជា ស្ត្រីបម្រើការតាមគ្រឹះស្ថានកម្សាន្ត បុរសរួមភេទជាមួយបុរស និងស្ត្រីបំប្លែងភេទ ដែលពួកគេទាំងនេះតែងតែប្រឈមនឹងការរើសអើង និងឧបសគ្គក្នុងការទទួលបានការថែទាំសុខភាព។
តួនាទីរបស់អ្នកស្រី វី មានវិសាលភាពធំ ហើយបច្ចុប្បន្នអ្នកស្រីក៏បង្កើតបរិយាកាសសុវត្ថិភាពមួយ ដែលអាចឱ្យប្រជាជនក្នុងសហគមន៍អាចពិភាក្សាដោយបើកចំហអំពីជីវិត កង្វល់ និងសុខភាពរបស់ពួកគេដោយគ្មានការភ័យខ្លាច។ អ្នកស្រីក៏ធ្វើការអប់រំប្រជាជនក្នុងសហគមន៍អំពីការធ្វើតេស្តមេរោគអេដស៍ ការបង្ការ និងការព្យាបាល ខណៈដែលអ្នកស្រីជួយដល់ការលុបបំបាត់ភាពភ័យខ្លាច និងការមាក់ងាយខ្លួនឯង ដោយធ្វើការតស៊ូមតិសម្រាប់ការថែទាំសុខភាព និងការគាំពារសង្គមឱ្យកាន់តែប្រសើរឡើងសម្រាប់សហគមន៍ជនបទ។ នៅក្នុងប្រទេសកម្ពុជា មានប្រជាជនជិត ៧៦.០០០ នាក់ កំពុងរស់នៅជាមួយមេរោគអេដស៍ ហើយប្រជាជនដែលប្រឈមមុខនឹងការឆ្លងមេរោគអេដស៍ ប្រឈមនឹងការភ័ណ្ឌច្រឡំ ការមាក់ងាយ និងការរើសអើង ដែលធ្វើឱ្យពួកគេមិនសូវទទួលបានព័ត៌មានអំពីរបៀបបង្ការមេរោគអេដស៍/ជំងឺអេដស៍ ឬក៏ស្វែងរកការធ្វើតេស្តរកមេរោគអេដស៍ ជាហេតុនាំឱ្យមានការពន្យារពេលក្នុងការចាប់ផ្តើមការព្យាបាលសង្គ្រោះជីវិត។ ការតស៊ូមតិរបស់អ្នកស្រី វី មានឥទ្ធិពលលើចំណុចសំខាន់នៃបញ្ហាទាំងនេះ ដោយសង្កត់ធ្ងន់លើតម្រូវការសម្រាប់ការគាំទ្រ ជាពិសេសសម្រាប់ប្រជាជនគន្លឹះ។
ប្រទេសកម្ពុជាមានវឌ្ឍនភាពច្រើនក្នុងការឆ្លើយតបនឹងមេរោគអេដស៍ ដោយសារគំនិតផ្តួចផ្តើមដែលដឹកនាំដោយសហគមន៍ ដូចជាករណីអ្នកស្រី វី និងដោយមានការជម្រុញគាំទ្រពីរាជរដ្ឋាភិបាលកម្ពុជា និងដៃគូនានា ដូចជា UNAIDS មូលនិធិសកល (the Global Fund) និងផែនការសង្គ្រោះបន្ទាន់របស់ប្រធានាធិបតីសហរដ្ឋអាមេរិកសម្រាប់ការឆ្លើយតបនឹងជំងឺអេដស៍ (PEPFAR) ។ សហគមន៍ និងអង្គការសង្គមស៊ីវិល ដូចជា DFoNPAM បានដើរតួយ៉ាងសំខាន់ក្នុងការពិភាក្សាហេតុផលលើច្បាប់ដែលដាក់ទោសទណ្ឌ លុបបំបាត់ការមាក់ងាយ និងការតស៊ូមតិសម្រាប់គោលនយោបាយ និងសេវាកម្មដែលធ្វើឱ្យលទ្ធភាពទទួលបានសេវាមេរោគអេដស៍ប្រសើរឡើង ខណៈដែលលើកកម្ពស់សិទ្ធិមនុស្ស។
កិច្ចខិតខំប្រឹងប្រែងកៀរគរសហគមន៍ បានផ្ដល់សិទ្ធិអំណាចដល់ប្រជាជនកម្ពុជារាប់ពាន់នាក់ ដើម្បីបង្កើនការយល់ដឹងអំពីការបង្ការមេរោគអេដស៍ និងកៀរគរប្រជាជនជាច្រើននាក់ដើម្បីធ្វើតេស្ត និងព្យាបាលមេរោគអេដស៍។ ការកើនឡើងនៃការធ្វើតេស្តរកមេរោគអេដស៍ដោយខ្លួនឯង – ការធ្វើតេស្តចំនួន ៦.៥៩៨ ដែលធ្វើឡើងក្នុងរយៈពេលបីខែកន្លងមកនេះ បើប្រៀបធៀបទៅនឹង ១.២៤១ ក្នុងត្រីមាសចុងក្រោយនៃឆ្នាំ ២០២២ – ឆ្លុះបញ្ចាំងពីការចូលរួមដ៏រឹងមាំពីមិត្តភក្តិ និងសហគមន៍។ ចាប់តាំងពីឆ្នាំ ២០១៩ ការអប់រំផ្សព្វផ្សាយសហគមន៍បានជួយដល់បុគ្គលជាង ១៣.០០០ នាក់ ដែលជាប្រជាជនគន្លឹះ ចាប់ផ្តើមប្រើប្រាស់ឱសថបង្ការការឆ្លងមេរោគអេដស៍មុនពេលប្រព្រឹត្តប្រឈម (PrEP) ដែលជាជំហានសំខាន់មួយក្នុងការទប់ស្កាត់ការឆ្លងមេរោគអេដស៍ថ្មី។
ទោះបីជាមានវឌ្ឍនភាពគួរឱ្យកត់សម្គាល់ ការបញ្ចប់មេរោគអេដស៍/ជំងឺអេដស៍ ដែលជាការគំរាមកំហែងដល់សុខភាពសាធារណៈនៅកម្ពុជា ទាមទារការប្តេជ្ញាចិត្តប្រកបដោយចីរភាព។ ខណៈដែល ប្រមាណ ៨៦ ភាគរយ នៃអ្នករស់នៅជាមួយមេរោគអេដស៍ក្នុងប្រទេសកម្ពុជាដឹងពីស្ថានភាពរបស់ពួកគេ និងអាចទទួលបានការព្យាបាល ក៏ប៉ុន្តែនៅមានអ្នករស់នៅជាមួយមេរោគអេដស៍ជាច្រើននាក់ទៀតមិនទាន់ដឹងស្ថានភាពរបស់ខ្លួន។ ការបន្តភ័ណ្ឌច្រឡំ បទដ្ឋានសង្គម ដែលដាក់ទោសទណ្ឌ និងវិសមភាពយេនឌ័រ ជំរុញឱ្យមានការមាក់ងាយ និងការរើសអើង និងបង្កឱ្យមានការឆ្លងមេរោគអេដស៍ថ្មី។ ការបញ្ចប់បញ្ហានេះ តម្រូវឱ្យមានការបន្ថែមការឆ្លើយតបថ្នាក់ជាតិនៅគ្រប់កម្រិត ដើម្បីជួប និងផ្តល់សេវាបញ្ជៀបព័ត៌មានពីការបង្ការមេរោគអេដស៍ និងផ្ដល់សេវាដែលសមស្រប និងថ្លៃថ្នូរ ដល់ប្រជាជនងាយរងគ្រោះនឹងការឆ្លងមេរោគអេដស៍។
ថ្ងៃនេះ ក្នុងទិវាពិភពលោកប្រឆាំងនឹងជំងឺអេដស៍ សូមយើងចងចាំសាច់រឿងរបស់អ្នកស្រី វី ក៏ដូចជាក្រុមការងារដឹកនាំសហគមន៍ដ៏អង់អាចដទៃទៀត។ ហើយក៏កុំបំភ្លេចក្រុមប្រជាជនគន្លឹះ ដែលយើងត្រូវជួប និងផ្តល់សេវា។ អាជ្ញាធររដ្ឋាភិបាល ដៃគូអភិវឌ្ឍ និងអង្គការសង្គមស៊ីវិល ត្រូវបន្តផ្ដល់អំណាច និងគាំទ្រដល់ភាពជាអ្នកដឹកនាំរបស់សហគមន៍ ក្នុងការឆ្លើយតបនឹងមេរោគអេដស៍ថ្នាក់ជាតិ។ កម្ពុជាសម្រេចបានយ៉ាងច្រើននៅក្នុងកិច្ចខិតខំប្រឹងប្រែងជាប្រវត្តិសាស្ត្រជាតិ ហើយឥឡូវនេះ កម្ពុជាក៏មានសក្តានុពលក្នុងការក្លាយជាអ្នកដឹកនាំនៅអាស៊ី និងជុំវិញពិភពលោក តាមរយៈនវានុវត្តន៍លើការគាំទ្រការឆ្លើយតប ដែលដឹកនាំដោយសហគមន៍។ ក្នុងនាមជាដៃគូដ៏យូរអង្វែង ដែលផ្ដោតសំខាន់លើប្រជាជនកម្ពុជា យើងនៅតែប្តេជ្ញាចិត្តចំពោះកិច្ចខិតខំប្រឹងប្រែងជាសាកល និងជាប្រវត្តិសាស្ត្រនេះ ដើម្បីបញ្ចប់មេរោគអេដស៍/ជំងឺអេដស៍៕
១ នៃ 5
រឿងរ៉ាវ
25 September 2023
រាជរដ្ឋាភិបាល និងអង្គការសហប្រជាជាតិ ផ្តល់សុពលភាពលើ សេចក្តីព្រាងក្របខណ្ឌសហប្រតិបត្តិការអភិវឌ្ឍន៍ប្រកបដោយចីរភាព ឆ្នាំ២០២៤-២០២៨
កាលពីថ្ងៃទី២១ ខែកញ្ញា ក្រុមប្រឹក្សាអភិវឌ្ឍន៍កម្ពុជា (CDC) និងអង្គការសហប្រជាជាតិប្រចាំកម្ពុជា បានសហការរៀបចំសិក្ខាសាលាលើក្របខណ្ឌកិច្ចសហប្រតិបត្តិការអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ (UNSDCF) ឆ្នាំ២០២៤-២០២៨។ សិក្ខាសាលានេះមានការចូលរួមពីភាគីពាក់ព័ន្ធមកពីក្រសួងនានា មានដូចជា រដ្ឋលេខាធិការ អនុរដ្ឋលេខាធិការ និងមន្ត្រីបច្ចេកទេស ព្រមទាំងតំណាងមកពីទីភ្នាក់ងារអង្គការសហប្រជាជាតិនានា ប្រចាំប្រទេសកម្ពុជា។
ក្រោមអធិបតីភាព ឯកឧត្ដម ឈៀង យ៉ាណារ៉ា ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានទី២ នៃក្រុមប្រឹក្សាអភិវឌ្ឍន៍កម្ពុជា (CDC) និងលោក ចូ សូយ័រ អ្នកសម្របសម្រួលអង្គការសហប្រជាជាតិប្រចាំនៅកម្ពុជា សិក្ខាសាលានេះបានអនុម័តលើ UNSDCF ២០២៤-២០២៨ និងបានបង្ហាញពីភាពស៊ីសង្វាក់គ្នាយ៉ាងល្អនៃវិស័យអាទិភាពរបស់ UNSDCF ២០២៤-២០២៨ ទៅនឹងអាទិភាពរបស់រាជរដ្ឋាភិបាលកម្ពុជា ដូចដែលបានបញ្ជាក់នៅក្នុងយុទ្ធសាស្ត្របញ្ចកោណ-ដំណាក់កាលទី១។
UNSDCF ថ្មីនេះមានអាទិភាពចំនួនបួនគឺ ការអភិវឌ្ឍមូលធនមនុស្ស ការជម្រុញកំណើនសេដ្ឋកិច្ច កិច្ចការពារបរិស្ថាន និងបរិវត្តកម្មសង្គម ហើយមានគោលបំណងគាំទ្ររាជរដ្ឋាភិបាលកម្ពុជាក្នុងការជម្រុញអាទិភាពនៃការអភិវឌ្ឍ និងពន្លឿនឆ្ពោះទៅរកការសម្រេចបាននូវគោលដៅអភិវឌ្ឍន៍ប្រកបដោយចីរភាពទាំងអស់នៅក្នុងប្រទេសកម្ពុជា។ ក្របខណ្ឌកិច្ចសហប្រតិបត្តិការ (CF) ត្រូវបានរៀបចំឡើងតាមរយៈដំណើរការពិគ្រោះយោបល់ជាមួយភាគីពាក់ព័ន្ធមកពីរាជរដ្ឋាភិបាលកម្ពុជា អង្គការសង្គមស៊ីវិល អ្នកសិក្សាស្រាវជ្រាវ ដៃគូអភិវឌ្ឍន៍ និងវិស័យឯកជន។ វិស័យអាទិភាពជាយុទ្ធសាស្ត្រទាំងបួនត្រូវបានបង្កើតឡើងដោយផ្អែកលើការប្តេជ្ញា ចំពោះការអភិវឌ្ឍប្រកបដោយបរិយាប័ន្ន ផ្តោតលើប្រជាជន និងផ្អែកលើសិទ្ធិមនុស្ស។ វិស័យអាទិភាពទាំងបួននេះដែរ ត្រូវបានជំរុញដោយការតាំងចិត្តយ៉ាងម៉ឺងម៉ាត់ក្នុងការពង្រឹងភាពធន់ និរន្តភាព និងគណនេយ្យភាព ខណៈពេលដែលធានាថាគ្មាននរណាម្នាក់ត្រូវបានទុកចោល។ លើសពីនេះទៀត UNSDCF ថ្មីនេះត្រូវបានរួមបញ្ចូលនូវផលប៉ះពាល់កម្រិតខ្ពស់ជាសកលចំនួនប្រាំមួយរបស់អង្គការសហប្រជាជាតិ រួមមាន បរិវត្តកម្មការអប់រំ ប្រព័ន្ធស្បៀង ថាមពល គាំពារសង្គម និងការងារ ជីវៈចម្រុះ និងធម្មជាតិ និងបរិវត្តកម្មឌីជីថល ព្រមទាំង ទិន្នន័យ និងអំពើហិង្សាផ្អែកលើយេនឌ័រ ដើម្បីពន្លឿនគោលដៅអភិវឌ្ឍន៍ប្រកបដោយចីរភាពនៅកម្ពុជា។
«UNSDCF ២០២៤-២០២៨ គឺជាឯកសារសំខាន់មួយសម្រាប់ប្រព័ន្ធអង្គការសហប្រជាជាតិ ដែលបម្រើជាឧបករណ៍សំខាន់សម្រាប់ធ្វើផែនការ និងការអនុវត្តសកម្មភាពអភិវឌ្ឍន៍នៅកម្រិតប្រទេស។ ក្របខណ្ឌនេះក៏ដើរតួនាទីយ៉ាងសំខាន់ក្នុងរបៀបវារៈកំណែទម្រង់របស់អង្គការសហប្រជាជាតិ ដោយប្រមូលផ្តុំទីភ្នាក់ងារផ្សេងៗរបស់អង្គការសហប្រជាជាតិ រួមទាំង ទីភ្នាក់ងារឯកទេស មូលនិធិ និងកម្មវិធីនានា ដើម្បីធ្វើការក្នុងលក្ខណៈសម្របសម្រួល ដោយប្រើប្រាស់ជំនាញ និងធនធានរៀងៗខ្លួន ក្នុងការជំរុញការអភិវឌ្ឍប្រកបដោយចីរភាព និងការលើកកម្ពស់ជីវភាពរស់នៅរបស់ប្រជាជនកម្ពុជា។» ប្រសាសន៍របស់លោក លោក សូយ័រ អ្នកសម្របសម្រួលអង្គការសហប្រជាជាតិប្រចាំនៅកម្ពុជា។ «ក្នុងនាមតំណាងឲ្យ ទីភ្នាក់ងារអង្គការសហប្រជាជាតិប្រចាំប្រទេសកម្ពុជា ខ្ញុំសូមបញ្ជាក់សារជាថ្មីអំពី ការប្តេជ្ញា ដោយឥតងាករេក្នុងការធ្វើការងារជាមួយរាជរដ្ឋាភិបាលកម្ពុជា និងដៃគូពាក់ព័ន្ធដទៃទៀត ខណៈដែលយើងរួមគ្នាកំណត់ និងដោះស្រាយបញ្ហាប្រឈមដែលប្រទេសកម្ពុជាជួបប្រទះ» លោក សូយ័រ បានបញ្ជាក់សារជាថ្មី។
ឯកឧត្តមទេសរដ្ឋមន្ត្រី ឈៀង យ៉ាណារ៉ា បានមានប្រសាសន៍ថា «UNSDCF ២០២៤-២០២៨ តំណាងឱ្យការប្តេជ្ញា របស់អង្គការសហប្រជាជាតិចំពោះកម្ពុជាក្នុងការស្តារសេដ្ឋកិច្ចសង្គម ដោយសម្រេចបានគោលដៅអភិវឌ្ឍន៍ប្រកបដោយចីរភាព ការចាកចេញប្រកបដោយចីរភាពរបស់កម្ពុជាពីក្រុមប្រទេសអភិវឌ្ឍន៍តិចតួច (LDC)។ យើងវាយតម្លៃខ្ពស់ចំពោះភាពជាដៃគូ និងទំនុកចិត្ត រវាងរាជរដ្ឋាភិបាលកម្ពុជា និងអង្គការសហប្រជាជាតិ»។
លើសពីនេះ សិក្ខាកាមបានចូលរួមក្នុងការពិភាក្សាយ៉ាងសកម្ម ជុំវិញសារៈសំខាន់នៃការសម្របសម្រួលជាអន្តរវិស័យ ហិរញ្ញវត្ថុ និងយុទ្ធសាស្រ្តនៃភាពជាដៃគូ ព្រមទាំងការវិនិយោគលើទិន្នន័យ និងស្ថិតិ ដើម្បីគាំទ្រដល់ការអនុវត្ត UNSDCF ក៏ដូចជាតួនាទីដ៏សំខាន់របស់អង្គការសហប្រជាជាតិក្នុងផ្តួចផ្តើមប្រមែលប្រមូលពហុភាគី ដើម្បីរួមគ្នាដោះស្រាយបញ្ហាប្រឈមដែលមានភាពស្មុកស្មាញក្នុងសង្គម និងជំរុញកិច្ចសហការឆ្ពោះទៅរកគោលដៅរួម។
ការចុះហត្ថលេខាជាផ្លូវការនៃឯកសារយុទ្ធសាស្ត្រមួយនេះ រវាងប្រព័ន្ធអង្គការសហប្រជាជាតិ និងរាជរដ្ឋាភិបាលកម្ពុជា នឹងធ្វើឡើងនៅចុងខែតុលា។
១ នៃ 5
រឿងរ៉ាវ
18 September 2023
អង្គការស្បៀង និងកសិកម្មនៃសហប្រជាជាតិ (FAO) ធ្វើពិធីប្រគល់សម្ភារៈ ដើម្បីពង្រឹងសមត្ថភាពរាយការណ៍ប្រកបដោយតម្លាភាពអំពីផែនការរួមចំណែករបស់ជាតិ (NDC)
អង្គការស្បៀង និងកសិកម្មនៃសហប្រជាជាតិ (FAO) បានធ្វើពិធីប្រគល់សម្ភារៈ (ប្រព័ន្ធគ្រប់គ្រងទិន្នន័យ និងស្ថានីយ៍ទិន្នន័យមូលដ្ឋានសម្រាប់គ្រប់គ្រងតំបន់ការពារធម្មជាតិ) ជូនដល់អគ្គនាយកដ្ឋានរដ្ឋបាលការពារ និងអភិរក្សធម្មជាតិនៃក្រសួងបរិស្ថាន ប្រទេសកម្ពុជា។ សម្ភារៈទាំងនេះនឹងជួយរួមចំណែកពង្រឹងសមត្ថភាពរាយការណ៍ប្រកបដោយតម្លាភាពអំពីផែនការរួមចំណែករបស់ជាតិ (NDC)។
កម្ពុជាបានដាក់ស្នើផែនការរួមចំណែករបស់ជាតិ (NDC) របស់ខ្លួន ទៅក្នុងអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ(UNFCCC) កាលពីឆ្នាំ២០១៥ ដោយបានបញ្ជាក់ច្បាស់ពីកិច្ចខិតខំប្រឹងប្រែងរបស់ខ្លួនដើម្បីកាត់បន្ថយការសាយភាយឧស្ម័នផ្ទះកញ្ចក់ និងការបន្ស៊ាំទៅនឹងបំរែបំរួលអាកាសធាតុ និងដើម្បីឱ្យស្របទៅនឹងគោលដៅរយៈពេលវែងនៃកិច្ចព្រមព្រៀងទីក្រុងប៉ារីស។
ដំណើរការ ការរៀបចំ និងការពង្រឹងប្រព័ន្ធពិនិត្យតាមដានទាំងនេះគឺជាកត្តារួមចំណែកដ៏សំខាន់ ដើម្បីធានាថារាល់សកម្មភាពទាំងអស់ពិតជាត្រូវបានអនុវត្តដោយភាគីកម្ពុជា ដោយអនុឡោមតាមគោលការណ៍នៃការរាយការណ៍ផែនការរួមចំណែករបស់ជាតិ (NDC) នៃអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ(UNFCCC)។ សម្ភារៈទាំងអស់នេះនឹងជួយដល់ការពង្រឹងសមត្ថភាពតាមដាន ធ្វើរបាយការណ៍ និងផ្ទៀងផ្ទាត់ទិន្នន័យពីប្រព័ន្ធព័ត៌មានដែលមានស្រាប់ ព្រមទាំងជួយកម្ពុជាបោះជំហានទៅរកប្រព័ន្ធតាមដាន និងរាយការណ៍អំពីតំបន់អភិរក្ស វិស័យកសិកម្ម ព្រៃឈើ និងការប្រើប្រាស់ដីកាន់តែប្រសើរ។ មិនត្រឹមតែប៉ុណ្ណោះ វាក៏នឹងជួយបង្កើនតម្លាភាពផែនការរួមចំណែករបស់ជាតិ(NDC) ដោយផ្អែកតាមលក្ខខណ្ឌតម្រូវរបស់អនុសញ្ញាក្របខ័ណ្ឌសហប្រជាជាតិស្តីពីការប្រែប្រួលអាកាសធាតុ(UNFCCC)។
ឯកឧត្តម គឹម ណុង អគ្គនាយកនៃអគ្គនាយកដ្ឋានរដ្ឋបាលការពារ និងអភិរក្សធម្មជាតិ បានថ្លែងក្នុងពិធីប្រគល់ និងទទួលសម្ភារៈនេះថា៖ «តាំងនាមឱ្យអគ្គនាយកដ្ឋានរដ្ឋបាលការពារ និងអភិរក្សធម្មជាតិ ខ្ញុំសូមថ្លែងអំណរគុណចំពោះការជួយគាំទ្ររបស់អង្គការស្បៀង និងកសិកម្មនៃសហប្រជាជាតិ ដែលបានជួយពង្រឹងសមត្ថភាព និងជំនាញជូនដល់អគ្គនាយកដ្ឋានរបស់យើង។ ពិធីប្រគល់សម្ភារៈប្រព័ន្ធគ្រប់គ្រងទិន្នន័យ និងស្ថានីយ៍ទិន្នន័យមូលដ្ឋានសម្រាប់គ្រប់គ្រងតំបន់ការពារធម្មជាតិនាថ្ងៃនេះសរបញ្ជាក់ពីសមិទ្ធិផលនៃកិច្ចសហការដ៏ស្អិតរមួតរបស់យើង។ ប្រព័ន្ធគ្រប់គ្រងទិន្នន័យនេះនឹងត្រូវប្រើប្រាស់សម្រាប់ជាជំនួយ និងត្រូវដាក់បញ្ចូលទៅក្នុងសេវូបករណ៍ (Server) ដើម្បីសម្រួលដល់ដំណើរការតាមដាន និងរាយការណ៍អំពីតំបន់អភិរក្ស វិស័យកសិកម្ម ព្រៃឈើ ការប្រើប្រាស់ដី និងសម្រាប់សកម្មភាពនានាក្នុងកម្មវិធីសហប្រតិបត្តិការអង្គការសហប្រជាជាតិស្តីពីការកាត់បន្ថយការបំភាយឧស្ម័នពីការកាប់បំផ្លាញព្រៃឈើ និងការរេចរឹលព្រៃឈើនៅក្នុងប្រទេសកំពុងអភិវឌ្ឍន៍ (UN-REDD+)»។
កម្ពុជាជួបប្រទះឧបសគ្គជាច្រើនក្នុងការធានាឱ្យបានការរាយការណ៍ប្រកបដោយប្រសិទ្ធិភាព ដើម្បីឱ្យស្របទៅតាមលក្ខខណ្ឌផ្លូវច្បាប់របស់អនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ (UNFCCC)។ ឧបសគ្គទាំងនោះរួមមាន កង្វះទិន្នន័យសកម្មភាព កង្វះព័ត៌មានស្តីពីកត្តាសាយភាពឧស្ម័ន និងយន្តការចែករំលែកទិន្នន័យយកមកធ្វើរបាយការណ៍នៅមានកម្រិតនៅឡើយ។
សម្ភារៈទាំងនេះនឹងជួយដោះស្រាយបញ្ហារាំងស្ទះនានា និងជួយពង្រឹងសមត្ថភាពស្ថាប័ន ព្រមទាំងយន្តការគាំទ្រប្រកបដោយប្រសិទ្ធិភាពសម្រាប់ការប្រមូលចងក្រងទិន្នន័យ និងចែករំលែកទិន្នន័យទាំងនោះទៅតាមស្ថាប័នក្រសួងពាក់ព័ន្ធ ដែលវានឹងជួយបង្កើនប្រសិទ្ធិផល និងប្រសិទ្ធិភាពនៃការរាយការណ៍ទាន់ពេលវេលាដល់ដំណើរការអនុសញ្ញាក្របខ័ណ្ឌសហប្រជាជាតិស្តីពីការប្រែប្រួលអាកាសធាតុ(UNFCCC) និងជាពិសេសតម្រូវការ របាយការណ៍សម្រាប់ពង្រឹងក្របខ័ណ្ឌតម្លាភាពនៃកិច្ចព្រមព្រៀងទីក្រុងប៉ារីស ។
លោកសាស្ត្រាចារ្យ សូ ថន អ្នកឯកទេសបច្ចេកទេសព្រៃឈើសង្គម និងការប្រែប្រួលអាកាសធាតុរបស់ អង្គការស្បៀង និងកសិកម្មនៃសហប្រជាជាតិ បានមានប្រសាសន៍ថា៖ «ទោះបីជាសេវូបករណ៍មានសមត្ថភាពផ្ទុកទិន្នន័យបានច្រើនក៏ដោយ ក៏សម្ភារៈទាំងនេះមិនមែនអាចដំណើរការដាច់ដោយឡែកតែឯងបានឡើយ។ វាត្រូវប្រើដោយភ្ជាប់ទៅកាន់ប្រព័ន្ធផ្សេងទៀតដូចជា ប្រព័ន្ធព័ត៌មានគ្រប់គ្រងបរិស្ថានកម្ពុជា និងប្រព័ន្ធត្រួតពិនិត្យព្រៃឈើជាតិ ដើម្បីវិភាគទិន្នន័យ និងព័ត៌មានសម្រាប់ចែករំលែកជាមួយវិស័យផ្សេងទៀត ព្រមទាំងរួមចំណែកដល់ការបង្កើនភាពជោគជ័យក្នុងការរាយការណ៍ ការធ្វើផែនការ និងសមត្ថភាពគ្រប់គ្រងទិន្នន័យទូទាំងប្រទេស»។
ប្រព័ន្ធគ្រប់គ្រងព័ត៌មាន និងតាមដានរបាយការណ៍ ដើរតួនាទីយ៉ាងសំខាន់ក្នុងការធានានូវតម្លាភាពនៃការរាយការណ៍សកម្មភាពអាកាសធាតុនៅក្នុងវិស័យកសិកម្ម និងការប្រើប្រាស់ដី ដើម្បីដោះស្រាយផលប៉ះពាល់ ដែលបង្កដោយការប្រែប្រួលអាកាសធាតុ និងកត្តាជំរុញនានា។ ការពង្រឹងសមត្ថភាពនេះនឹងបំពេញតាមតម្រូវការ សំខាន់ៗរបស់អគ្គនាយកដ្ឋានរដ្ឋបាលការពារ និងអភិរក្សធម្មជាតិ ទាំងលើទិន្នន័យស្ថិតិ និងភូមិសាស្ត្រ ព្រមទាំងនឹងរួមចំណែកដល់ការសាកល្បងនៃប្រព័ន្ធគ្រប់គ្រងលំហូរព័ត៌មានជាក់ស្តែង។
ជំហានបន្ទាប់
អង្គការស្បៀង និងកសិកម្មនៃសហប្រជាជាតិ នឹងបន្តកិច្ចសហប្រតិបត្តិការពង្រឹងសមត្ថភាពទាំងនៅកម្រិតស្ថាប័ន និងជាមួយរដ្ឋាភិបាលទាំងមូល។ ការកែលម្អប្រព័ន្ធវាស់វែង ការរាយការណ៍ និងការផ្ទៀងផ្ទាត់ ការត្រួតពិនិត្យ និងការវាយតម្លៃ និងជម្រើសនៃការចំណាយដែលបានស្នើឡើង គឺជាសកម្មភាពដែលនឹងត្រូវអនុវត្តដើម្បីពង្រឹងលក្ខខណ្ឌសម្រាប់ការអនុវត្តសកម្មភាពផែនការរួមចំណែករបស់ជាតិ(NDC)។ ក្នុងន័យនេះសកម្មភាពតាមដាននឹងត្រូវរួមបញ្ចូល ប៉ុន្តែមិនត្រូវបានកំណត់ចំពោះការសម្របសម្រួលនៃការបង្កើតប្រព័ន្ធគ្រប់គ្រងព័ត៌មាន និងការកសាងសមត្ថភាពសម្រាប់អ្នកគ្រប់គ្រងប្រព័ន្ធ និងការគាំទ្រដើម្បីធានាចំពោះគុណភាពទិន្នន័យ ព្រមទាំងការធ្វើតេស្ត និងការដាក់បញ្ចូលប្រព័ន្ធគ្រប់គ្រងលំហូរព័ត៌មានជាក់ស្តែងនោះទេ។
ចំពោះការគាំទ្រអគ្គនាយកដ្ឋានរដ្ឋបាលការពារ និងអភិរក្សធម្មជាតិ គឺទទួលបានហិរញ្ញប្បទានពីមូលនីធិបរិស្ថាន សកល តាមរយៈគម្រោងពង្រឹងសមត្ថភាពក្នុងវិស័យកសិកម្ម និងការប្រើប្រាស់ដី ដើម្បីបង្កើនតម្លាភាពក្នុងការអនុវត្ត និងការត្រួតពិនិត្យការរួមចំណែកជាតិរបស់កម្ពុជា ដែលស្ថិតនៅក្នុងកម្មវិធីសហប្រតិបត្តិការអង្គការសហប្រជាជាតិស្តីពីការកាត់បន្ថយការបំភាយឧស្ម័នពីការកាប់បំផ្លាញព្រៃឈើ និងការរេចរឹលព្រៃឈើនៅក្នុងប្រទេសកំពុងអភិវឌ្ឍន៍ (UN-REDD Programme) តាមរយៈគំនិតផ្តួចផ្តើមសម្រាប់ការលើកកម្ពស់ពាណិជ្ជកម្មព្រៃឈើប្រកបដោយនិរន្តរភាពក្នុងតំបន់មេគង្គក្រោម និងដោយផ្អែកតាមគំនិតផ្តួចផ្តើមអាកាសធាតុអន្តរជាតិរបស់រដ្ឋាភិបាលសហព័ន្ធអាល្លឺម៉ង់ តាមរយៈកម្មវិធីគាំទ្រការពង្រីកមហិច្ឆតាអាកាសធាតុលើការប្រើប្រាស់ដី និងកសិកម្មនៃការចូលរួមចំណែករបស់ជាតិ ដើម្បីអនុវត្តអនុសញ្ញាក្របខណ្ឌសហប្រជាជាតិស្តីពីការប្រែប្រួលអាកាសធាតុ (NDC) និងផែនការជាតិបន្ស៊ាំនឹងអាកាសធាតុ(NAP)។ តាមរយៈអន្តរាគមន៍ទាំងនេះ អង្គការស្បៀង និងកសិកម្មនៃសហប្រជាជាតិកំពុងរួមចំណែកដល់ការសម្រេចឱ្យបានទាំងគោលដៅអភិវឌ្ឍន៍ប្រកបដោយចីរភាព និងគោលដៅសកលរបស់កម្ពុជា ជាពិសេសគោលដៅទី១៣ ដែលផ្តោតទៅលើសកម្មភាពអាកាសធាតុ និងគោលដៅទី១៥ ដែលស្តីពីជីវិតលើដី។ ឧបករណ៍ទាំងនេះនេះត្រូវបានប្រគល់ និងទទួលជាផ្លូវការនៅថ្ងៃទី២៤ ខែសីហា ឆ្នាំ ២០២៣។
១ នៃ 5
សេចក្តីប្រកាសព័ត៌មាន
10 January 2024
បង្កើនផលិតភាព និងភាពប្រកួតប្រជែងរបស់សហគ្រាសកែច្នៃផល ផលិតផលជលផល ខ្នាតតូច និងមធ្យមនៅកម្ពុជា តាមរយៈការពង្រឹងការប្រើប្រាស់បច្ចេកវិទ្យាសម្ងួតដោយថាមពលព្រះអាទិត្យ
បច្ចេកវិទ្យាហាលសម្ងួតដោយថាមពល ព្រះអាទិត្យ ឬទូសម្ងួតពន្លឺព្រះអាទិត្យ (SDD) ផ្តល់លទ្ធភាពដល់សហគ្រាសកែច្នៃជលផលក្នុងការហាលសម្ងួតត្រី និងបង្គាបានកាន់តែប្រសើរ នៅកគ្រប់លក្ខខណ្ឌអាកាសធាតុ និងបរិស្ថានស្អាតល្អ កាត់បន្ថយការបាត់បង់ក្រោយប្រមូលផលនិងលើកកម្ពស់គុណភាពផលិតផល។ ឈរលើ ទិដ្ឋភាពនេះ គម្រោងបាន នឹងកំពុងជម្រុញយ៉ាងសកម្មឱ្យសហគ្រាសកែច្នៃជលផលនៅកម្ពុជា ប្រើប្រាស់បច្ចេកវិទ្យាហាលសម្ងួតដោយថាមពល ព្រះអាទិត្យឱ្យបានកាន់តែទូលំទូលាយ ក្នុងគោលដៅបង្វែរពីការហាលសម្ងួតបែបនៅទីវាលក្រោមពន្លឺព្រះអាទិត្យមកប្រើប្រាស់បច្ចេកវិទ្យាសម្ងួតថ្មីនេះវិញ។ គម្រោងនេះ គាំទ្រថវិកាដោយ សហភាពអឺរ៉ុប(EU)។
បច្ចេកវិទ្យាទូសម្ងួតពន្លឺព្រះអាទិត្យ (SDD) ជួយសម្រួលដល់សហគ្រាសកែច្នៃជលផលដើម្បីដោះស្រាយនូវបញ្ហាប្រឈមជាច្រើនដូចជាការហាលស្ងួតពេក ឬស្រពាប់ពេក ហានិភ័យនៃការចម្លងរោគ លក្ខខណ្ឌអាកាសធាតុ មិនអំណោយផល និងការប្រើប្រាស់កម្លាំងពលកម្មច្រើន។ តាមរយៈកម្មវិធីគាំទ្រសហគ្រាសជលផលខ្នាតតូច និងមធ្យម (VCIS) គម្រោងផ្តល់ការគាំទ្រដល់សហគ្រាសកែច្នៃជលផលចំនួន ១០ ក្នុងខេត្តក្រុងចំនួន ៦ ជាមួយនឹងទូសម្ងួតពន្លឺព្រះអាទិត្យដើម្បីប្រើប្រាស់ក្នុងគោលដៅបង្កើនភាពប្រកួតប្រជែងជាមួយផលិតផលនាំចូល តាម រយៈការបង្កើនផលិតភាព កែលម្អការអនុវត្តអនាម័យល្អ ជួយឱ្យផលិតផលត្រីងៀត និងបង្គាក្រៀមមានគុណភាព និងសុវត្ថិភាពល្អ។
ក្នុងគោលដៅចែករំលែក និងផ្សព្វផ្សាយចំណេះដឹងលើការប្រើប្រាស់បច្ចេកវិទ្យាហាលសម្ងួតដោយថាមពល ព្រះអាទិត្យ គម្រោងបានសហការជាមួយភាគីពាក់ព័ន្ធរៀបចំផលិតសៀវភៅមគ្គទេសក៍ណែនាំបែបសាមញ្ញជាជំហានៗក្នុងការហាលសម្ងួតត្រី និងបង្គាដោយប្រើប្រាស់ទូសម្ងួតពន្លឺព្រះអាទិត្យ។ សៀវភៅមគ្គទេសន៍នេះត្រូវបានផ្តល់ជូន និងចែករំលែកជាមួយសហគ្រាសកែច្នៃជលផល និងតួអង្គក្នុងខ្សែចង្វាក់តម្លៃជលផលក្រោយប្រមូល ផល ដើម្បីមានលទ្ធភាពប្រើប្រាស់បច្ចេកវិទ្យានេះប្រកបដោយប្រសិទ្ធភាព និងទទួលបានផលិតផលដែលមាន គុណភាព និងប្រកបដោយអនាម័យខ្ពស់។
លោកស្រី សុខ ឃីម ម្ចាស់សហគ្រាសផលិតត្រីងៀត ហេង ហ៊ត (សុខ ឃីម) នៅខេត្តសៀមរាបបាន បញ្ជាក់ថា «សៀវភៅមគ្គទេសក៍នេះងាយយល់ និងងាយអនុវត្តតាម។ ខ្ញុំអាចប្រើប្រាស់បច្ចេកវិទ្យាហាលសម្ងួត ដោយថាមពលព្រះអាទិត្យបានយ៉ាងងាយស្រួល និងមានប្រសិទ្ធភាពក្នុងការបង្កើនគុណភាពផលិតផលត្រីងៀត ដែលជាលទ្ធផលវាបង្កើនទំនុកចិត្តរបស់អតិថិជន និងការលក់ផងដែរ។»
បន្ថែមលើសនេះទៀត តាមរយៈកិច្ចសហការ និងភាពជាដៃគូជាមួយគម្រោង SWITCH to Solar គម្រោង CAPFISH-Capture រួមជាមួយតួអង្គសំខាន់ៗដូចជា ក្រសួងកសិកម្ម រុក្ខាប្រមាញ់ និងនេសាទ (MAFF) មន្ទីរកសិកម្ម រុក្ខាប្រមាញ់ និងនេសាទខេត្ត (PDAFFs) ខណ្ឌរដ្ឋបាលជលផលនៅតាមបណ្តាខេត្ត គ្រឹះស្ថាន មីក្រូហិរញ្ញវត្ថុ (MFIs) ក្រុមហ៊ុនថាមពលពន្លឺព្រះអាទិត្យ និងសហគ្រាសកែច្នៃជលផល បាន និងកំពុងខិតខំ ជម្រុញគំនិតផ្តួចផ្តើមនេះ ធ្វើយ៉ាងណាឱ្យសហគ្រាសកែច្នៃផល ផលិតផលជលផល និងផលិតផល កសិកម្មផ្សេងៗទៀតនៅកម្ពុជាទទួលយក និងប្រើប្រាស់បច្ចេកវិទ្យានេះឱ្យបានកាន់តែទូលំទូលាយ ក្រោមរូបភាពនៃការបណ្តាក់ ទុនរួមគ្នា និងផ្សារភ្ជាប់ទំនាក់ទំនងអាជីវកម្មផងដែរ។
សៀវភៅមគ្គទេសន៍៖ https://cambodia.un.org/en/257402-simplified-step-step-guide-fish-and-shrimp-drying-process-solar-dryer-dome
១ នៃ 5
សេចក្តីប្រកាសព័ត៌មាន
25 December 2023
គម្រោង TEST ៖ លទ្ធផលសំខាន់នៃឧស្សាហកម្មប្រកបដោយនិរន្ដភាព និង ការកាត់បន្ថយការប្រែប្រួលអាកាសធាតុ នៅក្នុងប្រទេសកម្ពុជា
គម្រោង TEST មានគោលបំណងដោះស្រាយបញ្ហាបំពុលដែលកើតចេញពីវិស័យឧស្សាហកម្ម ដូចជា ខ្យល់ ទឹក វត្ថុធាតុរឹង ឬរាវ និងកាកសំណល់គីមីពុល។ គម្រោងនេះត្រូវបានគាំទ្រផ្នែកហិរញ្ញវត្ថុដោយមូលនិធិបរិស្ថាន (GEF) និងបច្ចេកទេស ដោយការិយាល័យកណ្តាល UNIDO (HQ)។ គម្រោងនេះបានប្រើប្រាស់ឧបករណ៍រួមបញ្ចូលគ្នាជាច្រើនដូចជា ប្រសិទ្ធភាពធនធាន និងផលិតកម្មស្អាត (RECP) ប្រព័ន្ធគ្រប់គ្រងបរិស្ថាន (EMS) និងគណនេយ្យភាពគ្រប់គ្រងបរិស្ថាន (EMA) ដើម្បីកាត់បន្ថយការបំភាយឧស្ម័នផ្ទះកញ្ចក់ ខណៈពេលដែលកាត់បន្ថយថ្លៃដើមផលិតកម្ម បង្កើនផលិតភាព និងការបង្កើតឱ្យមានសុខមាលភាព និង សុវត្ថិភាពនៅកន្លែងធ្វើការ ។ លើសពីនេះ វាមានគោលបំណងលើកទឹកចិត្តក្នុងការអនុម័តគោលនយោបាយ ឬបទប្បញ្ញត្តិផ្សេងៗ។
គម្រោងនេះបានគាំទ្រដល់រោងចក្រទទួលផលចំនួន 55 និងសហគ្រាសធុនតូច និងមធ្យម (SMEs) និងផ្តល់ឱ្យពួកគេនូវក្របខ័ណ្ឌឧស្សាហកម្មបៃតងដែលធ្វើឱ្យការអនុវត្តប្រកបដោយចីរភាព និង មានស្តង់ដារត្រឺមត្រូវ។ តាមរយៈការធ្វើដូច្នេះ គម្រោងនេះបានរួមចំណែកក្នុងការធ្វើឱ្យប្រសើរឡើងនូវលក្ខខណ្ឌផលិតកម្មនៅរោងចក្រ និងសហគ្រាសធុនតូច និងមធ្យម ព្រមទាំងបានគាំទ្រការផ្លាស់ប្តូរ ឆ្ពោះទៅរកឧស្សាហកម្មបៃតង។ ជាលទ្ធផល រោងចក្រ និងសហគ្រាសធុនតូច និងមធ្យមទាំង ៥៥ អាចសន្សំធនធាន និងបង្កើនផលិតភាពពី ១០-២០% ការនៃសន្សំប្រចាំឆ្នាំប្រហែលប្រមាណ 10 លានដុល្លារក្នុងមួយឆ្នាំ ឈានទៅដល់ការវិនិយោគ 10 លានដុល្លារពីសំណាក់វិនិយោគិនផងដែរ។ លើសពីនេះទៀត ភាពជោគជ័យនៃគម្រោង TEST គឺជាឧទាហរណ៍ជាក់ស្តែងនៃឧស្សាហកម្មបៃតងសម្រាប់ប្រទេសកំពុងអភិវឌ្ឍន៍ដទៃទៀត” ប្រសាសន៍របស់ លោកបណ្ឌិត Rana Pratap SINGH អ្នកគ្រប់គ្រងគម្រោង UNIDO TEST ។
“គម្រោងនេះក៏បានផ្តល់អត្ថប្រយោជន៍ដល់កម្មករប្រមាណ 130,000 នាក់ ដែលក្នុងនោះជាង 80% ជាស្ត្រី។ ផលដែលរោងចក្រ និងសហគ្រាសធុនតូច និងមធ្យម ទទួលបានគឺ ជួយរោងចក្រទាំងនេះក្នុងការបំពេញតាមស្តង់ដារចីរភាព។ វាបានកសាងសមត្ថភាពបុគ្គលិកស្នូលរបស់រោងចក្រ ធ្វើឱ្យប្រសើរឡើងនូវសុខមាលភាព និងសុវត្ថិភាពរបស់កម្មករ កាត់បន្ថយផលប៉ះពាល់អវិជ្ជមានលើសហគមន៍ជុំវិញ និងជំរុញការផ្លាស់ប្តូរផ្នត់គំនិតឆ្ពោះទៅរកការអនុវត្តសកម្មភាពបៃតង។ ក្រៅពីអត្ថប្រយោជន៍សេដ្ឋកិច្ច និងសង្គម នៃឧស្សាហកម្មបៃតងដែលកើតចេញពីការធ្វើអន្តរាគមន៍របស់គម្រោងTESTនេះ ផលវិជ្ជមានបរិស្ថាន ក៏មានគួរឲ្យកត់សម្គាល់ផងដែរ។ គម្រោងនេះអាចរួមចំណែកដោយផ្ទាល់ដល់ការកាត់បន្ថយឧស្ម័នកាបូនិក ជាមធ្យម ៤០,០០០ តោនក្នុងមួយឆ្នាំ ក្នុងអំឡុងពេលនៃឆ្នាំ ២០១៨-២០២៨ ក៏ដូចជារួមចំណែកដល់ការកាត់បន្ថយ នៃការបញ្ចេញទឹកសំណល់ សំណល់រឹង និងការបំភាយឧស្ម័នផ្ទះកញ្ចក់ប្រកបដោយចីរភាព” ប្រសាសន៍របស់ លោក សុខ ណារិន តំណាង អង្គការ UNIDO ប្រចាំប្រទេសកម្ពុជា។
“គម្រោងនេះក៏បានគាំទ្រដល់ការរួមចំណែកជាតិ (NDC) ជាពិសេសដំណើរការឧស្សាហកម្ម និងការប្រើប្រាស់ផលិតផល (IPPU) ជាមួយនឹងការជៀសវាការផលិត Carbon។ ដូចគ្នានេះផងដែរ វាបានជួយបង្កើនការយល់ដឹងអំពីប្រសិទ្ធភាពធនធាន និងផលិតកម្មស្អាត (RECP) ជាផ្នែកមួយ និងវិធីសាស្ត្រ TEST ទាំងមូល។ លើសពីនេះ ក្រសួងបរិស្ថាន (MoE) បានប្តេជ្ញាបន្ថែមទៀតចំពោះយុទ្ធសាស្ត្ររយៈពេលវែងសម្រាប់អព្យាក្រឹតភាពកាបូន (LTS4CN) 2050 និងបានធ្វើបច្ចុប្បន្នភាព NDC42” H.E.” ប្រសាសន៍របស់ បណ្ឌិត ហេង ចាន់ធឿន អគ្គនាយករង នៃអគ្គនាយកដ្ឋានគោលនយោបាយ និងយុទ្ធសាស្ត្រ នៃក្រសួងបរិស្ថាន។
“ជាមួយនឹងភាពជោគជ័យនៃគម្រោងសាកល្បងនេះ លោកសូមថ្លែងអំណរគុណចំពោះភាគីពាក់ព័ន្ធទាំងអស់សម្រាប់ការសហការដ៏រឹងមាំ ជាពិសេសចំពោះ ក្រសួងបរិស្ថាន (MoE) ដែលបានសហការអនុវត្តជាមួយ អង្គការ UNIDO សម្រាប់ជំនួយបច្ចេកទេស, មូលនិធិបរិស្ថានសកល GEF សម្រាប់មូលនិធិគម្រោង និងការសហការពីបណ្ដា រោងចក្រ និងសហគ្រាសធុនតូច និងមធ្យមសម្រាប់ការប្តេជ្ញាចិត្តក្នុង ការអនុវត្ត។ ដូចគ្នានេះផងដែរ គម្រោង TEST បានជួយរោងចក្រ និងសហគ្រាសធុនតូច និងមធ្យមពង្រឹងប្រសិទ្ធភាពធនធាន និងផលិតកម្មស្អាត (RECP) ប្រព័ន្ធគ្រប់គ្រងបរិស្ថាន (EMS) និងគណនេយ្យភាពគ្រប់គ្រងបរិស្ថាន (EMA) ការបង្កើនផលិតភាព កាត់បន្ថយថ្លៃដើមផលិតកម្ម និងការបង្កើនការប្រកួតប្រជែងនៃវិស័យផលិតកម្មសម្រាប់មូលដ្ឋាន បង្កើនឱកាសទីផ្សារក្នុងតំបន់ និងអន្តរជាតិ” ប្រសាសន័របស់ ឯកឧត្តម ហែម វណ្ឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍។ បន្ទាប់ពីលទ្ធផលជោគជ័យនៃគម្រោង TEST លោករដ្ឋមន្ត្រីបានបន្ថែមថា "យើងអាចពង្រីក និងលើកទឹកចិត្តដល់គំនិតផ្តួចផ្តើម ព្រមទាំងធ្វើការប្តេជ្ញាចិត្តបន្ថែមទៀត ដូចដែលបានរៀបរាប់នៅក្នុងយុទ្ធនាការ 100 ថ្ងៃឆ្ពោះទៅរកវិស័យឧស្សាហកម្មបៃតង និងចីរភាពនៅក្នុងប្រទេសកម្ពុជា។លោកបានជំរុញឱ្យដៃគូអភិវឌ្ឍន៍ទាំងអស់ គ្រប់វិស័យសាធារណៈ ឯកជន និងស្ថាប័នក្រោមឱវាទ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) ប្តេជ្ញាចិត្ត នឹងបន្តគាំទ្រ គំនិតផ្តួចផ្តើមខាងលើ ជាពិសេសក្នុងចំណោមសហគ្រាសធុនតូច និងមធ្យមចំនួន 60,000 និងរោងចក្រចំនួន 2,000។ ដើម្បីគាំទ្រ ឲ្យកាន់តែខ្លាំង ទៅកាន់ កម្រិតខ្ពស់ នៃការធ្វើតេស្តសម្រាប់លិតផលកាន់តែធំនៅក្នុងឧស្សាហកម្មបៃតង ដូចជា សួនឧស្សាហកម្មបៃតង (EIP) ដែលមានគោលដៅពង្រឹងតំបន់សេដ្ឋកិច្ចពិសេស (SEZs) ឬ សួនឧស្សាហកម្ម (IP) នៅកម្ពុជា” ។
គម្រោង TEST គឺជាជំហានដ៏សំខាន់មួយឆ្ពោះទៅរកការលើកកម្ពស់ការអនុវត្តឧស្សាហកម្ម និងកាត់បន្ថយការប្រែប្រួលអាកាសធាតុនៅក្នុងប្រទេសកម្ពុជា ដែលបង្ហាញពីការអភិវឌ្ឍជាវិជ្ជមាននៅក្នុងទិដ្ឋភាពឧស្សាហកម្មរបស់ប្រទេស។
ចប់
សម្រាប់ព៌ត័មានបន្ថែម សូមទំនាក់ទំនង៖
លោក សុខ ណារិន តំណាង អង្គការ UNIDO ប្រចាំប្រទេសកម្ពុជា អ៊ីមែល ៖ N.Sok@unido.org ទូរស័ព្ទលេខ៖ +855 12 75 73 27
លោកបណ្ឌិត រី សុភក្រ អ្នកសម្របសម្រួលគម្រោងជាតិ របស់អង្គការ UNIDO ប្រចាំប្រទេសកម្ពុជា អ៊ីមែល ៖s.rey@unido.org ទូរស័ព្ទលេខ៖+855 17 66 89 64
១ នៃ 5
សេចក្តីប្រកាសព័ត៌មាន
30 November 2023
កម្ពុជា៖ គម្រោងអភិវឌ្ឍន៍ជលផលក្រោយប្រមូលផល (CAPFISH-Capture) ទទួលបានពានរង្វាន់លើកកម្ពស់សមពភាពយេនឌ័រឆ្នាំ ២០២៣
វិស័យជលផលនៅកម្ពុជាមានសារៈសំខាន់ណាស់សម្រាប់សេដ្ឋកិច្ច និងសន្តិសុខស្បៀង ដោយប្រជាជនប្រមាណ ៤០% ពឹងផ្អែកដោយផ្ទាល់សម្រាប់ការចិញ្ចឹមជីវិត និងផ្គត់ផ្គង់ជីវភាព។ ភាគច្រើនជាស្ត្រី ដែលដើរតួនាទីនាំមុខ និងជាម្ចាស់សហគ្រាសកែច្នៃផល ផលិតផលជលផលខ្នាតមីក្រូ តូច និងមធ្យម (MSMEs) ជាអ្នកទទួលបន្ទុកដោយផ្ទាល់ក្នុងការកែច្នៃ ការងារទីផ្សារ លក់រាយ និងចែកជាយផលិតផលជលផលទាំងនេះនៅទូទាំងប្រទេសតែម្តង។ ថ្វីបើស្រ្តីដើរតួនាទីយ៉ាងសំខាន់នៅក្នុងខ្សែច្រវ៉ាក់តម្លៃជលផលទាំងមូល រួមទាំងវារីវប្បកម្មក៏ដោយ ការចូលរួមរបស់ស្ត្រីជារឿយៗត្រូវបានចាត់ទុកថាជាកិច្ចការបន្ថែមលើការងារផ្ទះសម្បែងតែប៉ុណ្ណោះ និងមិនមានតម្លៃសេដ្ឋកិច្ច ហើយមិនត្រូវបានយកមកពិចារណានៅក្នុងដំណើរការធ្វើសេចក្តីសម្រេចចិត្តនោះទេ។
វិសមភាពយេនឌ័រ ជាកត្តារាំងស្ទះសម្រាប់ស្ត្រីក្នុងការទទួលបានឱកាសអភិវឌ្ឍ និងពង្រឹងជំនាញ ដែលជាកត្តាជាសារវ័ន្តដល់ការចូលរួមផ្នែកសេដ្ឋកិច្ច និងសង្គមរបស់ខ្លួន។ បន្ថែមពីលើកត្តាពេលវេលា និងទំនួលខុសត្រូវការងារផ្ទះ និងការមើលថែទាំសមាជិកគ្រួសារ ស្ត្រីក៏ប្រឈមមុខនឹងការរើសអើងផ្អែកយេនឌ័រ ដែលពុំអាចឱ្យពួកគាត់ស្វែងរកគោលដៅការងារខ្លួន ក៏ដូចជាភាពជោគជ័យក្នុងវិស័យជលផលផ្ទាល់តែម្តង។ ការបង្កើតឱកាសឱ្យស្ត្រីអាចអភិវឌ្ឍជំនាញ និងដោះស្រាយបញ្ហាប្រឈមដូចបានរៀបរាប់ខាងលើ នឹងផ្តល់ភាពអង់អាចដល់ស្ត្រីឲ្យទទួលបានតួនាទីជាអ្នកដឹកនាំ និងជំរុញបរិយាកាសប្រកបដោយសមធម៌ និងបរិយាប័ន្ននៅក្នុងខ្សែចង្វាក់តម្លៃទាំងមូល។
គម្រោង CAPFISH-Capture គាំទ្រថវិកាដោយសហភាពអឺរ៉ុប (EU) មានគោលដៅរួមចំណែកអភិវឌ្ឍវិស័យជលផលក្រោយប្រមូលផល តាមរយៈការធ្វើឱ្យប្រសើរឡើងនូវក្របខណ្ឌគតិយុត្ត និងសមត្ថភាពស្ថាប័ន និងជម្រុញវិស័យឯកជនឱ្យទទួលយក និងអនុវត្តនវានុវត្តន៍ និងការអនុវត្តល្អប្រសើរពាក់ព័ន្ធ។ ដោយពិនិត្យលើតួនាទីដ៏លេចធ្លោរបស់ស្ត្រីក្នុងវិស័យជលផលក្រោយប្រមូលផល និងវិសមភាពយេនឌ័រដែលជាកត្តារាំងស្ទះពុំអាចឱ្យស្ត្រីបំពេញការងារឱ្យអស់សក្តានុពលបាន គម្រោងបានដាក់បញ្ចូលនូវវិធីសាស្ត្រគ្រប់គ្រងដែលគិតគូរពីយេនឌ័រនៅក្នុងកិច្ចអន្តរាគមន៍របស់ខ្លួន តាមរយៈការលើកកម្ពស់សមភាពយេនឌ័រ និងពង្រឹងភាពអង់អាចដល់ស្ត្រីនៅក្នុងវដ្តគម្រោងទាំងមូល។
លោក សុខ ណារិន តំណាងអង្គការ UNIDO ប្រចាំប្រទេសកម្ពុជា បានសាទរចំពោះគម្រោង CAPFISH-Capture ដែលទទួលបានពានរង្វាន់ GEM Award ។ លោកបានទទួលស្គាល់ថា «អភិក្រមសមភាពយេនឌ័ររបស់គម្រោង ពិតជាបានបង្កើតនូវបរិយាកាសប្រកបដោយបរិយាប័ន្ន ដែលមនុស្សគ្រប់គ្នាអាចរីកចម្រើន ដោយ ទុកនរណាម្នាក់ចោលឡើយ»។ លោកលើកឡើងថាអង្គការ UNIDO ពិតជាមានមោទនភាពណាស់ចំពោះកិច្ចខិតខំប្រឹងប្រែងជាបន្តបន្ទាប់របស់គម្រោងក្នុងការលើកកម្ពស់តួនាទី និងភាពអង់អាចផ្នែកសេដ្ឋកិច្ចដល់ស្ត្រី ជាពិសេសសហគ្រាសជលផល MSMEs ដែលដឹកនាំដោយស្ត្រី ។
តាមរយៈកម្មវិធីគាំទ្រសហគ្រាសជលផលខ្នាតតូច និងមធ្យម (VCIS) គម្រោងបានផ្តល់ទាំងជំនួយបច្ចេកទេស និងសម្ភារ បរិក្ខារចាំបាច់ដល់សហគ្រាសកែច្នៃជលផលចំនួន ២៨ ដែលក្នុងនោះ សហគ្រាសដែលដឹកនាំដោយស្រ្តី មានចំនួន ២០។ ភាគច្រើននៃសហគ្រាសដែលដឹកនាំដោយស្ត្រីទាំងនេះ ទទួលបានវិញ្ញាបនបត្របញ្ជាក់និមិត្តសញ្ញាគុណភាពផល ផលិតផលជលផលកម្ពុជា (CQS) ហើយប្រព័ន្ធនែការផ្តល់វិញ្ញាបនបត្រនេះមានការលើកកម្ពស់សមភាពយេនឌ័រជាសូចនាករកំណត់មួយផងដែរ។
មន្រ្តីអធិការកិច្ចម្ហូបអាហារថ្នាក់ជាតិចំនួន ២៧ រូប (រួមមានស្រ្តី ១០ រូប) ដែលទទួលខុសត្រូវលើការផ្តល់វិញ្ញាបនប័ត្រ CQS នេះ ក៏ដូចជាអ្នកផ្តល់សេវាអភិវឌ្ឍន៍ធុរកិច្ចគាំទ្រដល់សហគ្រាស MSMEs បានទទួលការបណ្តុះបណ្តាលស្តីពីសមភាពយេនឌ័រ និងការពង្រឹងសិទ្ធិអំណាចដល់ស្ត្រីផងដែរ។
ឯកឧត្តម ពុំ សុថា ប្រតិភូរាជរដ្ឋាភិបាលទទួលបន្ទុកជាអគ្គនាយករដ្ឋបាលជលផល (FiA) បានមានប្រសាសន៍ថា «តាមរយៈការបញ្ជ្រាបយេនឌ័រនៅក្នុងគម្រោង រួមទាំងគោលនយោបាយស្តីពីយេនឌ័រ ការគាំទ្រអាជីវកម្ម ការគ្រប់គ្រងគម្រោង ការស្រាវជ្រាវ និងនវានុវត្តន៍ និងការកសាងសមត្ថភាពភាគីពាក់ព័ន្ធ គម្រោងបានបង្កើតផលជះរយៈពេលវែងលើការជំរុញសមភាពយេនឌ័រ និងពង្រឹងភាពអង់អាចដល់ស្ត្រីក្នុងវិស័យជលផលនៅកម្ពុជា។» ឯកឧត្តមបានសង្កត់ធ្ងន់ថាគម្រោង CAPFISH-Capture ដែលសហការអនុវត្តដោយ FiA និង UNIDO បានកសាងមូលដ្ឋានគ្រឹះដ៏រឹងម៉ាំទ្រទ្រង់ដល់ផលជះជាវិជ្ជមាននៃសមភាពយេនឌ័រ និងភាពអង់អាចរបស់ស្ត្រីក្នុងវិស័យជលផលប្រមូលផល ស្របតាមគោលនយោបាយលើកកម្ពស់សមភាពយេនឌ័របស់ក្រសួងកសិកម្ម រុក្ខាប្រមាណញ់ និងនេសាទ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និង FiA ។
ផ្អែកលើគំនិតផ្តួចផ្តើមក្នុងការបង្កើនភាពប្រកួតប្រជែងរបស់វិស័យជលផលក្រោយប្រមូលផលរបស់កម្ពុជា គម្រោង មានកញ្ចប់ថវិកាគាំទ្រដល់គម្រោងស្រាវជ្រាវចំនួន ០៨ ដើម្បីដោះស្រាយបញ្ហាពាក់ព័ន្ធក្នុងវិស័យដោយគិតគូរអំពីតម្រូវការ និងឧបសគ្គរបស់ស្ត្រីក្នុងការពង្រីកប្រតិបត្តិការអាជីវកម្មរបស់ខ្លួន។ គួរកត់សម្គាល់ថា ក្នុងចំណោមគម្រោងស្រាវជ្រាវទាំងនេះ មាន ០៤ គម្រោងត្រូវបានដឹកនាំដោយអ្នកស្រាវជ្រាវជាសស្ត្រី សហការជាមួយសាកលវិទ្យាល័យ និងវិស័យឯកជន។ បន្ថែមពីកិច្ចគាំទ្រខាងលើ គម្រោងបានគាំទ្រដល់ក្រុមស្រ្តីអ្នកកែច្នៃផលជលផលចំនួន ០៥ ដែលមានសមាជិកសរុបចំនួន ១៤១ នាក់ ដែលភាគច្រើនជាស្ត្រី។ សម្រាប់ជុំបន្ទាប់នៃកម្មវិធី VCIS គម្រោងនឹងជ្រើសរើសសហគ្រាស ២០ បន្ថែមទៀត ដោយកំណត់គោលដៅស្ត្រីជាម្ចាស់អាជីវកម្មយ៉ាងតិចបំផុត ៦០%។
«ការគាំទ្រដល់សហគ្រាសដឹកនាំដោយស្ត្រី គឺមានសារៈសំខាន់ណាស់សម្រាប់អភិវឌ្ឍសេដ្ឋកិច្ច និងនិរន្តរភាពនៃវិស័យជលផល។ ខណៈដែលអាជីវកម្មរបស់ពួកគេរីកចម្រើន វាមិនត្រឹមតែរួមចំណែកដល់សេដ្ឋកិច្ចយ៉ាងទូលំទូលាយប៉ុណ្ណោះទេ ប៉ុន្តែថែមទាំងដើរតួជាគំរូលើកទឹកចិត្ត និងជម្រុញស្ត្រីផ្សេងទៀតឱ្យក្លាយជាសហគ្រិន និងផ្លាស់ប្តូរវិសមភាពយេនឌ័រផងដែរ»។ នេះបើតាមការគូសបញ្ជាក់របស់លោក Koen EVERAERT អនុប្រធានផ្នែកកិច្ចសហប្រតិបត្តិការរបស់គណៈប្រតិភូសហភាពអឺរ៉ុបប្រចាំនៅប្រទេសកម្ពុជា។ លោកបានបន្ថែមថា «គំរូជោគជ័យរបស់គម្រោង CAPFISH-Capture អាចយកទៅអនុវត្តបាន ខណៈដែលឧត្តមានុវត្តន៍ទាំងនេះត្រូវបានចែករំលែកដើម្បីលើកកម្ពស់សហគ្រិនភាពជាស្រ្តី និងភាពអង់អាចផ្នែកសេដ្ឋកិច្ច»។
សម្រាប់ព័ត៌មានបន្ថែម សូមទំនាក់ទំនង៖
បណ្ឌិត ឈួន ចំណាន ប្រធាននាយកដ្ឋានបច្ចេកវិទ្យាកែច្នៃ និងគុណភាព (DFPTQ), FiA៖ chhounchamnan@gmail.com
លោក អឹម សំរួល ជំនាញការប្រាស្រ័យទាក់ទងថ្នាក់ជាតិ គម្រោង CAPFISH-Capture៖ S.IM@unido.org
ផ្នែកសារព័ត៌មាននិងប្រាស្រ័យទាក់ទង ប្រតិភូសហភាពអឺរ៉ុបប្រចាំនៅកម្ពុជា៖ delegation-cambodia-ppi@eeas.europa.eu
សម្រាប់ព័ត៌មានគម្រោង:https://open.unido.org/projects/KH/projects/180039
ព្រឹត្តប័ត្រគម្រោង: http://newslettercapfish-postharvest.org/achieve
ព្រឹត្តប័ត្រគម្រោង: http://newslettercapfish-postharvest.org/achieve
១ នៃ 5
សេចក្តីប្រកាសព័ត៌មាន
23 October 2023
អង្គការសហប្រជាជាតិប្រចាំកម្ពុជា ពិព័រណ៍អនាគតយុវជនផ្ដល់សិទ្ធិអំណាចដល់យុវជន ដើម្បីរៀបចំអនាគតមួយប្រកបដោយចីរភាព
ព្រឹត្តិការណ៍នេះ ត្រូវបានរួមសហការរៀបចំដោយ ក្រសួងអប់រំ យុវជន និងកីឡា អង្គការសហប្រជាជាតិប្រចាំកម្ពុជារួមមានដូចជា មូលនិធិសហប្រជាជាតិសម្រាប់ប្រជាជន (UNFPA) កម្មវិធីអភិវឌ្ឍន៍សហប្រជាជាតិ (UNDP) យូនីសេហ្វ (UNICEF) ការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស (UNOHCHR) UNAIDS កម្មវិធីស្បៀងអាហារពិភពលោក (WFP) និងទីភ្នាក់ងារអង្គការសហប្រជាជាតិផ្សេងទៀត ដៃគូអភិវឌ្ឍន៍ អង្គការសង្គមស៊ីវិល បណ្ដាញយុវជន និងវិស័យឯកជន។
ពីព័រណ៍អនាគតយុវជន គឺជាស៊េរីនៃសកម្មភាពកម្រិតខ្ពស់បំផុតមួយដែលបាននាំមកនូវការជួបជុំរបស់យុវជនដើម្បីពិភាក្សាប្រកបដោយប្រឌិតញាណ និងចែករំលែកគំនិតនិងដំណោះស្រាយស្តីពីបញ្ហាគន្លឹះមួយចំនួនដែលបង្ករផលប៉ះពាល់ដល់យុវជនសម័យបបច្ចុប្បន្ន។ នៅទីកន្លែងពិព័រណ៍ផ្ទាល់ អ្នកចូលរួមបានពិភាក្សា, ជជែកដេញដោល រៀនសូត្រពីអ្នកជំនាញ និងបង្កើតបណ្ដាញ។ ក្នុងផ្នែកមួយនៃពិព័រណ៍ មានវេទិកាប្រឌិតញាណមួយចំនួនអនុញ្ញាតឱ្យអ្នកចូលរួមពិភាក្សាអំពីគោលដៅអភិវឌ្ឍន៍ប្រកបដោយចីរភាព (SDGs) សុខភាពផ្លូវភេទនិងបន្តពូជ សិទ្ធិនិងជម្រើស សិទ្ធិមនុស្ស សមភាពយេនឌ័រ ជំនាញបៃតង យុវជននិងការអប់រំ។ ពិព័រណ៍នោះ ដាក់វិញ្ញាសារឱ្យយុវជនបង្កើតគំនិតនិងដំណោះស្រាយ – និងបង្កើតបណ្ដាញរវាងគ្នានិងគ្នា ហើយបានរកឃើញនូវដំណោះស្រាយសម្រាប់ធ្វើសកម្មភាព។ ពិព័រណ៍ ក៏បានដាក់វិញ្ញាសារឱ្យយុវជនគិតគូរពីអនាគតដែលពួកគេចង់ឃើញក្នុង “ពិភពលោកមួយដែលមានប្រជាជន៨ប៊ីលាននាក់” តាមរយៈសិល្បៈប្រឌិតញាណ និងកិច្ចសន្ទនា។
ផ្នែកមួយនៃពិព័រណ៍, “ការប្រកួតប្រជែងស្នារដៃសិល្បៈ” ត្រូវបានរៀបចំឡើង, ជាមួយនឹងពិព័រណ៍ដែលបង្ហាញពីទេពកោសល្យនៃសិល្បករវ័យក្មេង។ ការប្រកួតប្រជែងនេះ បានផ្ដល់វេទិកាសម្រាប់អ្នកចូលរួមបញ្ចេញទស្សនៈសម្រាប់អនាគតប្រកបដោយចីរភាពតាមរយៈសិល្បៈ។ ជ័យលាភី ត្រូវបានប្រកាសនិងទទួលរង្វាន់លើកទឹកចិត្តនៅក្នុងព្រឹត្តិការណ៍ពិព័រណ៍ផ្ទាល់, ដោយជម្រុញទឹកចិត្តយុវជនឱ្យបន្ដស្វែងយល់ពីសមត្ថភាពសិល្បៈរបស់ពួកគេ និងរួមចំណែកលើកកម្ពស់គោលដៅអភិវឌ្ឍន៍ប្រកបដោយចីរភាព និងសង្គមស្មើភាព។
សង្ខេបចំណុចសំខាន់ៗនៃព្រឹត្តិការណ៍៖
យុវជនជាង ១ ០០០ នាក់ មកពីមជ្ឈដ្ឋានផ្សេងៗបានចូលរួមក្នុងពិព័រណ៍, រួមមាន សិស្ស-និស្សិត, សកម្មជនយុវជន, សហគ្រិនវ័យក្មេង, និងសិល្បករ។
វេទិកាប្រឌិតញាណ - យុវជនម្នាក់ៗមានឱ្យកាសបញ្ចេញនូវទស្សនៈរបស់ខ្លួន, រៀនសូត្រពីអ្នកជំនាញ, បង្កើតបណ្ដាញ, ពិភាក្សានិងរួមចំណែករៀបចំគោលនយោបាយនិងគំនិតផ្ដួចផ្ដើមដែលមានផលប៉ះពាល់ដល់អនាគតពួកគេ។
“ការប្រកួតប្រជែងសិល្បៈ” បង្ហាញពី ទេពកោសល្យប្រឌិតញាណរបស់សិល្បករវ័យក្មេង និងបានផ្ដល់នូវវេទិកាសម្រាប់ពួកគេបញ្ចេញនូវទស្សនៈសម្រាប់អនាគតប្រកបដោយចីរភាព។ ក្នុងចំណោម ៦៨ ប្រទេស, ជ័យលាភី ចំនួន ១០ រូប បានទទួលពាន និងរង្វាន់ជាសាច់ប្រាក់លើកទឹកចិត្តនិងសិល្បកម្មដ៏ប៉ិនប្រសប់។
ពិព័រណ៍ក៏មានតាំងនូវបញ្ជ(ស្តង់)ជាង ៣០ ពី អង្គការដៃគូ, បណ្ដាញយុវជន និង ទីភ្នាក់ងារអង្គការសហប្រជាជាតិ, បានផ្ដល់នូវ សកម្មភាពអន្តរកម្ម, សម្ភារអប់រំ, ការភ្ញាក់ផ្អើល, និងរង្វាន់ជាច្រើន។ តាមរយៈបញ្ជទាំងនោះ យុវជនបានភ្ជាប់ទំនាក់ទំនងជាមួយស្ថាប័នក្នុងស្រុកនានា បានរៀនសូត្រពីគំនិតផ្ដួចផ្ដើមនិងសេវាកម្មរបស់គេ ហើយបានស្វែងយល់ពីជម្រើសសក្ដានុពលក្នុងការចូលរួម។
“យុវជន គឺជាអនាគតនៃប្រទេសជាតិ, ហើយចាំបាច់ណាស់ដែលយើងត្រូវវិនិយោគលើការអប់រំនិងបណ្ដុះបណ្ដាលពួកគេ ដើម្បីពូកគេអាចចាប់យកជំនាញដែលត្រូវការដើម្បីធ្វើឱ្យជោគជ័យក្នុងសេដ្ឋកិច្ចសតវត្សរ៍ទី២១នេះ។ យើងត្រូវតែធ្វើការរួមគ្នាដើម្បីបង្កើតនូវបរិស្ថានសមស្របមួយក្នុងការជម្រុញការអប់រំនិងបណ្ដុះបណ្ដាលសម្រាប់យុវជន ធ្វើដូច្នេះ យើងអាចទទួលបាននូវធនធានមនុស្សប្រកបដោយគុណភាព និងកសាងសង្គមមួយដែលមាន អារ្យធម៌ខ្ពង់ខ្ពស់ សីលធម៌ សមធម៌ នវានុវត្តនិងបរិស្ថានមេត្រី” នេះជាប្រសាសន៍ ឯកឧត្តម ចឹក លីម អគ្គនាយករងយុវជន នៃអគ្គលេខាធិការដ្ឋានក្រុមប្រឹក្សាជាតិកម្ពុជាដើម្បីអភិវឌ្ឍយុវជន ក្រសួងអប់រំ យុវជន និងកីឡា។
លោកស្រី Sandra Bernklau តំណាង UNFPA ប្រចាំកម្ពុជា និងជាតំណាងភ្នាក់ងារអង្គការសហប្រជាជាតិ ទាំងអស់នៅឯពិព័រណ៍អនាគតយុវជន មានប្រសាសន៍ថា “ការទាញយកទស្សនៈពេលលេញរបស់យុវជនតម្រូវឱ្យមានការសម្របសម្រួលនៅទីកន្លែងដែលមានសុវត្ថិភាព ច្នៃប្រឌិត និងនវានុវត្តន៍ ដែលនឹងអនុញ្ញាតឱ្យមានការចូលរួម និងការបញ្ចេញមតិរបស់យុវជនយើង។ នៅក្នុងពិភពលោកដែលមានប្រជាជន ៨ពាន់លានលាន ដែលកំពុងប្រឈមមុខនឹងវិបត្តិអាកាសធាតុដែលកំពុងកើនឡើង និងបញ្ហាជាច្រើនទៀត តើអ្នកនឹងធ្វើអ្វីខ្លះ ដើម្បីធ្វើឱ្យសហគមន៍របស់អ្នកក្លាយជាកន្លែងប្រសើរជាងមុន? តើអ្នកមានការពាក់ព័ន្ធទេ? តើអ្នកកំពុងចាត់វិធានការ អ្វីដែរឬទេ? ខ្ញុំសូមលើកទឹកចិត្តដល់យុវជនឱ្យចូលរួមក្នុងសកម្មភាពអភិវឌ្ឍន៍សង្គម ចូលរួមក្នុងបណ្តាញយុវជន ជាផ្នែកមួយនៃដំណោះស្រាយ និងចាប់ផ្តើមធ្វើសកម្មភាព។”
អ្នកចូលរួមពិព័រណ៍អនាគតយុវជន កញ្ញា ស្រី នាង អាយុ២០ឆ្នាំ ជានិស្សិតឆ្នាំទី២ផ្នែកគណនេយ្យ នៃសកលវិទ្យាល័យវ៉ាន់ដា មានចំណាប់អារម្មណ៍៖ “ពិព័រណ៍អនាគតយុវជន មានភាពអស្ចារ្យ និងខុសប្លែកពីពិព័រណ៍ផ្សេងៗ ដែលខ្ញុំបានចូលរួម។ នៅស្តង់នីមួយៗ ខ្ញុំបានរៀនបន្ថែមទៀតអំពីប្រធានបទផ្សេងៗ ដូចជាការធ្វើចំណាកស្រុកដោយសុវត្ថិភាពដែលខ្ញុំមិនធ្លាប់បានដឹងពីមុនមក ក៏ដូចជាបញ្ហាកុមារ និងសេវាសុខភាព និងសង្គមផ្សេងៗទៀត។ ខ្ញុំសូមលើកទឹកចិត្តយុវជនទាំងអស់យកចិត្តទុកដាក់និងឱ្យចូលរួមព្រឹត្តិការណ៍បែបនេះតាមដែលអាចធ្វើទៅបាន ដើម្បីស្វែងយល់បន្ថែមនូវព័ត៌មានថ្មី និងបង្កើតទំនងទំនងជាមួយនឹងយុវជនមកពីមជ្ឍដ្ឋានផ្សេងៗទៀត។”
យុវជនដែលទទួលបានជ័យលាភីក្នុងការប្រកួតប្រជែងស្នាដៃសិល្បៈ ជំហានបន្ទាប់នៃសិល្បៈ លោក វ៉ាន់ វាត អាយុ២៥ឆ្នាំ មកពីខេត្តព្រៃវែង មានចំណាប់អារម្មណ៍៖ “ខ្ញុំពិតជារំភើបខ្លាំងណាស់ដែលបានបង្ហាញពីសមត្ថភាព និងជំនាញសិល្បៈដ៏អស្ចារ្យរបស់ខ្ញុំទៅកាន់សាធារណៈជន។ នេះគឺជាការបំផុសគំនិត និងលើកទឹកចិត្តដល់យុវជន ជំនាន់ក្រោយបង្ហាញនូវជំនាញរបស់ពួកគេ។ ខ្ញុំចង់ឱ្យពួកគេយល់ថាពួកគេសំខាន់ ហើយគ្មានអ្វីដែលយើងមិនអាចធ្វើបាននោះទេ ឱ្យតែយើងបន្តព្យាយាម និងមិនបោះបង់ ធ្វើឱ្យអស់ពីសមត្ថភាព កុំភ័យខ្លាច ហើយបង្ហាញទំនុកចិត្ត និងការប្តេជ្ញាចិត្តក្នុងការសម្រេចគោលដៅរបស់អ្នកយើង។ ខ្ញុំសង្ឃឹមថាខ្លឹមសារទាំងអស់ដែលខ្ញុំបានបង្កើតផ្សព្វផ្សាយល់បណ្តាញសង្គមនឹងជំរុញទឹកចិត្តយុវជន លើកទឹកចិត្ត និងឱ្យតម្លៃមនុស្សដែលមានទេពកោសល្យ និងលើកទឹកចិត្តពួកគេឱ្យអស់ពីកំលាំងចិត្ត និង ដោយការគាំទ្រ។”
ពិព័រណ៍អនាគតយុវជន គឺជាព្រឹត្តិការណ៍រួមគ្នាដ៏អស្ចារ្យរបស់អង្គការសហប្រជាជាតិដែលបានផ្ដល់ឱ្យយុវជននូវវេទិកាសម្រាប់ពិភាក្សាបញ្ហាសំខាន់ៗដែលនឹងមានផលប៉ះពាល់ដល់ជីវិតនិងអនាគតពួកគេ។ ពិព័រណ៍នេះបានផ្ដល់វេទិកាសម្រាប់យុវជនចូលរួម, រៀនសូត្រ, និងសហការ, ហើយបានបំពាក់ឱ្យពួកគេនូវឧបករណ៍និងការលើកទឹកចិត្តដែលចាំបាច់ក្នុងការធ្វើឱ្យមានភាពខុសប្លែកក្នុងសហគមន៍ដែលពួកគេរស់នៅ និងដើម្បីតម្រែតម្រង់កម្ពុជាមួយដែលគេចង់បាន។
១ នៃ 5
សេចក្តីប្រកាសព័ត៌មាន
26 January 2024
វិស័យយុត្តិធម៌ប្ដេជ្ញាចិត្តក្នុងការជម្នះផ្នត់គំនិតយេនឌ័រ
វគ្គបណ្ដុះបណ្ដាលរយៈពេលពីរថ្ងៃនេះ មានការសម្របសម្រួលពីអ្នកជំនាញ និងចៅក្រមអន្តរជាតិ ហើយមានអ្នកចូលរួមចំនួន ៣៥នាក់ (ស្រ្តី២១នាក់ និងបុរស ១៤នាក់) រួមមាន តំណាងពីសាលាឧទ្ធរណ៍ថ្នាក់តំបន់ ចៅក្រម និងព្រះរាជាអាជ្ញាពីខេត្តនានា ក៏ដូចជា វត្តមានរបស់មន្រ្តីមកពីបណ្ឌិត្យសភាភូមិន្ទយុត្តិធម៌កម្ពុជា និងក្រសួងយុត្តិធម៌ ផងដែរ។ វគ្គបណ្ដុះបណ្ដាលនេះ ជាវគ្គសាកល្បងដែលមានគោលបំណង បកស្រាយពីបទដ្ឋានច្បាប់សិទ្ធិមនុស្សអន្តរជាតិ ស្ដីពីផ្នត់គំនិតយេនឌ័រ និងទស្សនៈដើម្បីលើកកម្ពស់ការការពារសិទ្ធិមនុស្ស និងការទទួលបានយុត្តិធម៌សម្រាប់ស្រ្តី និងបុគ្គលដទៃទៀតដែលស្ថិតក្នុងក្រុមដែលត្រូវបានផាត់ចេញ ដោយផ្អែកលើមូលហេតុនៃភេទ អត្តសញ្ញាណយេនឌ័រ និង/ឬនិន្នាការភេទ។
នៅក្នុងសុន្ទរកថាបើកវគ្គបណ្ដុះបណ្ដាល ប្រធាន បណ្ឌិត្យសភាភូមិន្ទយុត្តិធម៌កម្ពុជា ឯកឧត្ដម បណ្ឌិតរដ្ឋ ឈន ព្រលឹង មានប្រសាសន៍ថា «វគ្គបណ្ដុះបណ្ដាលនេះ នឹងផ្ដោតជាសំខាន់ទៅលើការពង្រឹងសមត្ថភាពបន្ថែមរបស់ចៅក្រម និងការចែករំលែកបទពិសោធន៍ជាមួយអ្នកជំនាញការអន្តរជាតិ តំបន់ និងជាតិ ក្នុងវិស័យតុលាការ ដើម្បីចេះកត់សម្គាល់ និងជម្នះផ្នត់គំនិតយេនឌ័រក្នុងវិស័យតុលាការ»។
ដោយបញ្ជាក់បន្ថែមលើសារៈសំខាន់ នៃយុត្តិសាស្រ្តក្នុងតុលាការកម្ពុជាដើម្បីអាចអនុលោមទៅនឹងច្បាប់សិទ្ធិមនុស្សអន្តរជាតិ អ្នកស្រី រួអេដា អិល ហាច តំណាងប្រចាំប្រទេសនៃការិយាល័យសហប្រជាជាតិទទួលបន្ទុកសិទ្ធិមនុស្សនៅកម្ពុជា បានសង្កត់ធ្ងន់ថា «វគ្គបណ្ដុះបណ្ដាលសាកល្បងនេះ គឺជាចំណុចគោលមួយទៀតឆ្ពោះទៅរកកិច្ចសហប្រតិបត្តិការគ្រប់ជ្រុងជ្រោយ ជាមួយក្រសួងយុត្តិធម៌ និងបណ្ឌិត្យសភាភូមិន្ទយុត្តិធម៌កម្ពុជា»។ អ្នកស្រីរំពឹងថា «ខ្លឹមសារនៃវគ្គបណ្ដុះបណ្ដាល នឹងអាចត្រូវបានបញ្ចូលទៅក្នុងកម្មវិធីសិក្សារបស់ បណ្ឌិត្យសភាភូមិន្ទយុត្តិធម៌កម្ពុជា ដើម្បីនិរន្តភាពនៃការផ្ទេរចំណេះដឹង។»
យោងតាមបទដ្ឋានសិទ្ធិមនុស្សអន្តរជាតិ វិស័យយុត្តិធម៌ មានកាតព្វកិច្ចក្នុងការធានាថានីតិវិធីច្បាប់ ក្នុងសំណុំរឿងពាក់ព័ន្ធនឹងអំពើហិង្សាផ្អែកលើយេនឌ័រ មានភាពមិនលម្អៀង យុត្តិធម៌ និងមិនរងឥទ្ធិពលពីផ្នត់គំនិតយេនឌ័រ ឬការបកស្រាយបទប្បញ្ញត្តិច្បាប់ដោយរើសអើង។ កាតព្វកិច្ចនេះ មិនត្រឹមតែសម្រាប់ចៅក្រមនោះទេ ប៉ុន្តែ មានវិសាលភាពចំពោះព្រះរាជអាជ្ញា មេធាវី មន្រ្តីអនុវត្តច្បាប់ និងតួអង្គនានាដែលពាក់ព័ន្ធក្នុងវិស័យច្បាប់។
អ្នកចូលរួមក្នុងវគ្គបណ្ដុះបណ្ដាលសាកល្បងនេះ បានបង្ហាញពីតម្រូវការក្នុងការចែករំលែកព័ត៌មានទៅកាន់អ្នកមានកាតព្វកិច្ចផ្សេងទៀត រួមមាន មន្រ្តីប៉ូលីស ថ្នាក់ដឹកនាំសហគមន៍ បុគ្គលិកតុលាការ បុគ្គលិកផ្នែកស៊ើបអង្កេត និងភាគីផ្សេងៗទៀត ដើម្បីលើកកម្ពស់ការយល់ដឹងរបស់ពួកគេ និងធ្វើឱ្យការគ្រប់គ្រងការទទួលបានយុត្តិធម៌សម្រាប់បុគ្គលគ្រប់រូប ជាពិសេស អ្នករស់រានមានជីវិតពីការរំលោភបំពានផ្អែកលើយេនឌ័រ កាន់តែប្រសើរឡើង។
អង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា ប្ដេជ្ញាចិត្តក្នុងការគាំទ្រកម្ពុជាក្នុងការបំពេញកាតព្វកិច្ចសិទ្ធិមនុស្សអន្តរជាតិ និងកាត់បន្ថយការអនុវត្តក្នុងវិស័យតុលាការដែលរងឥទ្ធិពលពីផ្នត់គំនិតយេនឌ័រ។
១ នៃ 5
ធនធានចុងក្រោយគេ
1 / 4
ធនធាន
19 November 2019
1 / 4